لكل السلبيين تعالوا نحكي ونحاول نعطيكن كمشة إيجابية

هام وعاجل وضروري لكل السلبيين تعالوا نحكي ونحاول نعطيكن كمشة إيجابية..😻

يا ترى بتعرفو شو اضرار التفكير السلبي؟ وبتعرفو شو ضرر التفكير عليكن ؟ و الأهم بتعرفوا قدي مهم تفكرو بإيجابية..؟
طيب أنا رح احكيلكن…
أسباب التفكير السلبي كثيرة ومنها التفكير بالماضي وبالحب الضائع وكمان التفكير بالمستقبل ؛ أحيان بكون عدم قدرتك على الحصول ع شي انت بتحبو و الوضع المعيشة ومحاولتك للسفر وعدم توفر المصاري بكل هالغلا وكتير منها….

طيب حسب مراجع انا شفتها وقريتها ف ضرر السلبية ع جسمكن علمياً التفكير السلبي بيتسبب بأمراض جسدية كثيرة منها ضيق التنفس، انخفاض الجهاز المناعي والإصابة المتكررة بنزلات البرد، أوجاع في المفاصل وصداع شديد في الرأس وغيرها… فالأمراض الجسدية اللي بسببها التفكير السلبي تفتك بنقاط الضعف الجسدية عند الشخص…

طيب بخصوص الحلول شو ترتيبا.. رح احيلكن كم شغلة..🤏🏻🪶

1 الروتين بسبب كآبة فحاولو تغيرو من روتيكن حاولو طلعوا من البيت جددو غيرو كل شي بتقدرو تغيرو ورح تلمسو راحة أكيدة..

2 كون لطيف مع حالك وحب حالك مو غلط لما تشوف حالك بالمراي تتغزل بحالك لما تتصور تتغزل بحالك باللا شعور هالشي رح يعطيكن ايجابية وثقة بالنفس..

3 بعد ثم بعد ثم بعد عن الناس السطحيين اللي شايفين حالن ومش مصدقين واللي شايفين حالن أهم من الأشخاص وهني أقل الاشخاص..

4 حاول انك تلاقي شغفك ( بالكتابة ، بالرسم ، بالقراءة ، بالغناء ، بالرياضة ، بالصحافة …إلخ.)

5 اسمع موسيقى كتير وأغاني فرفحة جداً بتفيد وعن تجربة

6 احكي مع الاشخاص القراب منك احكيلن مشاكلك وإن ما في جرب تكون صديق الطبيعة اي اي لا تستغربوا أنا وحدة من الأشخاص بتطلع بالسما وبحكي برتاااح كثير كثير..

وآخيراً اقتنع من حالك أنو انت بدك تتغير بدك تصير حدا مهم حدا ناجح حدا مميز ورح تتغير .. كنت معكن من قسم الدعم النفسي ل تضلوا بخير ..