والله صدقيني مو أنا اللي قتلتو هي إيدي..قلتلها لا تقتلو بس ماسمعت مني وعملت اللي بدها ياه
هالسيناريو بتتخيلوه مجرد فيلم أميركي؟
شو رأيكم أنو هالحكي طبياً صح وممكن الأيد تتصرف عكس رغباتك💔 تعو لنشوف
●هي متلازمة منسميها بشكل بسيط متلازمة اليد الغريبة..بتتصرف الأيد.وكأنها عضو منفصل ما بتاخد أوامر منك..
●منعتبرها من الحالات النادرة كتير بالطب بس انوجدت..وهيي عنجد خارج إرادة الشخص
● شو الأسباب؟؟
ممكن إصابات بالجسم الثفني بالمخ..ممكن بعد تداخل جراحي عالدماغ..او سكتات دماغية وجلطات أو أورام ضمن الدماغ🚫
● شو بيحس الإنسان؟
ما بيقدر يتحكم بإيده وكأنها عم تاخد أوامر من عقل تاني..
ممكن ترتفع الإيد أو بتحمل شي أنت ما بدك ياه وبشكل بيعارض ايدك التانية ..ممكن توصل لإيذاء الشخص لنفسه او للمحيطين فيه بدون قصد..💔
● أي إيد حتنصاب يمين او يسار؟
في حال كانت الإصابة بالجسم الثفني(هاد بيربط نصفي الكرتين المخيتين) منلاقي أغلب الإصابات بالإيد اليسار
أما في حال إصابة الجزء الأمامي للدماغ..فبتكون نفس الايد عكس جهة الإصابة💔
●العلاج حسب المقالات هو معالجة فيزيائيى للتحكم بعضلات اليد
هالمقال مانو خيال علمي..الجسم أوقات بيطلع بطفرات غريبة..
هي الإيد هيي نفسها اللي بتبعت بحبك لل ex بعد ال ١٢ بالليل😂
متل العادة..كل مرة..أنا د. ماري نمنوم💜
(سماعة حكيم)
Marie Namnoom
تامر حسني بفيلمو الجديد اخد شخصية منصابة بهي الحالة
فيلم مش انا لتامر حسني كان بيحكي عن هالمرض
معلومة مذهلة اول مرة اسمع فيها
اتمنى من صفحتكم تعديل مقدمة و محتوى المنشور بذكر لماذا رميت الغرض الفلاني او اي شيء اخر غير القتل لكي لا تصل هءه المعلومة لضعاف النفوس و تكون مبرر لهم حتى لو كانت تحتاج لطبيب لتشخيص هذه الحالة
….
❤️
متل فيلم تامر حسني
معلومة مذهلة
♥️♥️♥️