تتحرق اللمبه حضرتك تفكها تلاقي ليد محروق،،، وتحتار
تحط مقاومه او دايود،،، الخ 🤷
لكن أفضل الحلول انك تحط ليد آخر نفس الحجم والقدرة وغالبا بيكون صعب او مفيش،،، طيب مفيش ليد تاني يبقي الافضل انك تقفل مكان الليد المحروق بنقطة قصدير،،، وتروح للدرايفر 👇👇
الحل انك ترفع قيمة مقاومة تحسس التيار المتصلة بالرجل ٨ بال ic اللي راكب بالدرايفر،،، هتعمل كالاتي👇
من الصور هتلاقي مقاومتين متصلتين توازي جنب ic
هتعرف قيمة المقاومة الكلية بتاعتهم الاثنين من خلال برنامج بيحسب قيمتهم صورة رقم ١ 👈 الدائرة الخضراء
هتعدل علي قيمة المقاومتين وترفعها شويه زي صورة رقم ٢
حطيت مقاومه توالي ١ اوم مع اللي راكبه ١ اوم اصبح ٢ اوم
هتلاقي قيمة المقاومة الكلية ارتفعت واشتغلت اللمبة احسن
صورة رقم ٣ بتبين ان في حدود لرفع قيمة المقاومه والا الدرايفر مش هيشتغل اصلا او يخلي الليدات ترمش
واخيرا الامبير المسحوب قبل التعديل ١٥٠ ملي امبير
بعد تعديل المقاومه ١٠٣ مللي امبير
الليدات مش هتسخن ،،
وتلف او حرق بعضهم مش هياثر علي الباقي وده أفضل حل
طيب حد يقولي غلبت نفسك كنت رفعت اي مقاومه منهم وخلاص
اقولك المقاومتين واحدة ١ اوم والتاني ٢.٧ اوم لما رفعت ال ١ اوم الدرايفر مشتغلش اصلا
لما رفعت ٢.٧ اوم اشتغل وسحب ١١٥ مللي امبير
لان قيمة المقاومه اللي شغلت ال ic واحد اوم
لما رفعت قيمه المقاومه الكلية شويه تاني زي صورة ٢
اشتغلت وسحب ١٠٣ مللي امبير كأفضل تيار قليل يخلي
الليدات تعيش معاك ومتسخنش
وعذرا للاطالة 🌹
