ليش دائما بتعطوني شعب وطلاب كسالى …!!؟؟
وغيري إذا المديرة بتحبها بتختار الصف يلي بدها ياه
طبعا لانها بتعرف إنه المعلمة يلي كانت بالصف الأول شعبة ثانية راح يطلعوا طلابها ممتازين وشاطرين
واعطيتوني طلاب شعبة ثالثة يلي كانت المعلمة تغيب كثير وما تعطي من كل قلبها ..وطلابها مو شاطرين !!؟؟
طيب خلوني اطلع مع طلابي واترفع معهم صف
مو انا ربيتهم على ايدي وصاروا يعرفوا شو بدي وانا صرت فهمانة كل مستوى منهم ..
وهيك منلاقي كثير في جدال وحوارات بين المعلمات اول السنة ..
سواء بالعلن أو بالمخفي
معلمتي الغالية …
انت المبدعة التي سوف تزهري أينما وضعوك
اي طلاب راح تستلمي راح يكتب لك اجر أولا عند رب العالمين وكل كلمة نطقها وكل حرف هي في ميزانك ابداعك
اكيد الخلط واجب بين الطلاب ..ولازم يكون بكل شعبة اقسام من المستويات
الممتاز والجيد والمتوسط والضعيف
وهون ببلش عملك وقدراتك على تحسين الكل
الطالب إذا أحب معلمته ببدع مثلها
ولا يمكن يكسر كلمتها ..
اذهبي بداية العام الدراسي والخطة مكتوبة ..والأنشطة مدروسة والأساليب مفتوحة ..وعلاقتك مع طلابك اجمل علاقة
راح تلاحظ فرق وراح ترجع المعلمات يطلبوا شعبتك الشاطرة ويلي تعلموا على ايد المبدعة ..
الملمات والمعلمين والطلاب هم ثمار مدارسنا
وما اطيب هذه الثمار حين تنضج وتتخرج على ايديكم
كل عام وانتم بألف خير هناءابوزايد
طلابكم بانتظار ابتسامتكم وعملكم يلي انتوا اخترتوه
📩 هناء ابو زايد 👩🏫👩🏫
✅ 🌹🌹
✅ .
👇👇👇👇
