ماما يا ماما هالزورة يلي شايفتيها سببها اني ممغوص وبطوني عم

👶ماما يا ماما هالزورة يلي شايفتيها سببها اني ممغوص وبطوني عم يوجعني وبعرف عم عذبك كتير بس شو اعمل مو بأيدي هالمغص المسطول😭

بس ولا يهمك مافي شي مااله حل عند الاطافيل الجميلين 🤗

فاليوم راح نخبر كل الماميات الرائعين عن مغص حديثي الولادة وأسبابه والحل لتتخلصي منه وأهم شي ما تسمعي للجارتنا ام زكي وتحطيلي عبطوني زيت كاز 🤭

العلم على الهواء مباشرةً 📢📢

1 من كل 4 أطفال حديثي الولادة يصاب بالمغص

بيحدث المغص لما يبكي الطفل السليم لفترة طويلة جدًا من دون سبب واضح.
وهو شائع خلال الأسابيع الستة الأولى من الحياة.

وعادةً ما تختفي من تلقاء نفسها في سن 3 إلى 4 أشهر.
وفي معظم الحالات بعمر 6 أشهر.

⛔شافو أنو أسباب هالمغص ممكن تكون

نتيجة بكاء الطفل لفترة طويلة و هالشيء راح يخليه يبتلع كتير من الهواء ويسببله مغص

أو ممكن الحساسية للحليب او اللبن المتناول

أو ممكن عند الرضاعة يبتلع هواء

ولكن لحد الآن غير معروف سبب المغص عند حديثي الولادة بشكل دقيق وواضح.

⛔طيب شو سبب بكاء الطفل حديث الولادة من دون سبب واضح⁉️

حديثي الولادة بعضهم عندو صعوبة بالتكيف مع العالم الجديد بعد الولادة
وقتها بكون البكاء إحدى الطرق يلي بيظهر فيها الطفل مشاعره أثناء التعود على العالم. 🤗

⛔بتم تشخيص مغص حديثي الولادة :

عند استمرارهم بالبكاء لأكثر من 3 ساعات يوميًا لما يزيد عن 3 أيام أسبوعيًا.

⛔أنا بالنسبة لأعراض المغص بتظهر مثل:

التجشؤ في كثير من الأحيان أو خروج الكثير من الغازات🤫😂

شد أرجلهم نحو البطن عند البكاء

يقبضون بقبضاتهم عند البكاء

العلاج راح يكون بمقال تاني انطرونا🤗

كنت معكن أنا أمل ماهر سعيد ♥️

(سماعة حكيم)