مانعات الحمل الجزء 2 عمرك سألتي نفسك ليش بفترة الحمل ار

مانعات الحمل – الجزء 2 .
عمرك سألتي نفسك ليش بفترة الحمل ارتفع معك السكر وبعد الولادة رجع طبيعي ❓
رح نكمل سوا اليوم الحديث عن تاني هورمون بيدخل بمانعات الحمل، لنوصل لجواب سؤالنا ؟
👈🏻البروجسترون : معروف عنه انه هورمون الحمل او تثبيت الحمل .
واذا ركزنا على نفسية الحامل والأعراض الظاهرة عليها رح نعرف انه البروجسترون مسؤول عن أغلب الأعراض التالية فمثلاً :
1- الحامل بيصير عندا اكتئاب😞 والسبب انه هالهورمون بيثبط الجهاز العصبي المركزي ( طبعاً هاد اكتئاب غير تبع الاسعار 😁 بس الحوامل عنا عندن سوبر اكتئاب بظن ).
2- الحامل بيصير عندا ارتفاع ضغط😤 بقولوا عنه ارتفاع ضغط حملي وصداع وهاد كمان سببه البروجسترون لانه كمان عندو قدرة يحتبس (صوديوم + ماء ) .
3- البروجسترون على عكس الاستروجين بيرفع الكولسترول LDL وبينزل ال HDL .
لهيك ما منستغرب كمان ان وحدة بالحمل تحتاج لادوية كولسترول .
4-هاد غير انه مثبط للمناعة بالمكان وهذا بفسر ضعف مناعة الحامل 🤧.
5- واكيد كلنا منعرف انه بعض السيدات بالحمل بيرتفع معها السكر🍬 وبعد الولادة بيرجع للمستويات الطبيعية .( وعلى الرغم نسبة منهم بيتطور الموضوع مستقبلاً لسكر فعلي ولكن التعليل بفترة الحمل هو دور البروجسترون برفع المقاومة المحيطية قدام الإنسولين .
طبعاً بعد الولادة بفترة بس ينزل مستوى البروجسترون بيبلش يرجع السكر لقيم ادنى .
هي الأدوار الملاحظة بشكل لافت عند الحوامل ،لانه نسبته عندهم اكتر من عند الفتاة او غير الحامل، ولكن ماذا اذا اعتمدت السيدة مانعات حمل فيها بروجسترون، يعني بروجسترون اضافي غير تبع الجسم .
رح نلاحظ اغلب الاعراض السابقة بالاضافة لاضطراب بالمزاج .احتقان بالثدي .بالاضافة لحب الشباب والشعرانية .

البوست الماضي كان في سؤال عن وسيلة منع الحمل الأكثر أماناً .
اخترنا الجواب من تعلقاتكم وهو اللي بالصورة.
سؤال اليوم ؟ هل تعرضتي بفترة الحمل لأحد الامور السابقة من ارتفاع ضغط او ارتفاع سكر او اكتئاب او او …
روجين عمر

(سماعة حكيم)