مبارح وعدناكم نحكي عن اضطراب مابعد الصدمة كلنا بفترات الحر

مبارح وعدناكم نحكي عن اضطراب مابعد الصدمة
كلنا بفترات الحرب وأصوات القذائف تعرضنا لحالة خوف وذعر وقلق ويمكن مافي بيت ما فقد عزيز ع قلبه 💔
وكتير أشخاص تعرضت لتعنيف لفظي او جسدي
أو حدث صادم أو سوء معاملة

بس شو كانت النتيجة⁉️⁉️

أول شي شفنا الصورة يلي نزلتها الفنانة شيرين وكتير منن رد بتعليقات مسيئة إنو راح تبيني قوية لما تحلقي شعرك؟
أو ليش هالضحكة وانتي واضح عليكي اديشك محطمة عاطفياً؟

ومنن اتهمها بتعرضا للتعنيف
(قالو انو تعرضت لتعنيف جسدي من قبل زوجها سبب الها اكتئاب) حسب مصادر اعلامية💁‍♀️

ونحنا اليوم راح نحكي عن اضطراب ما بعد الصدمة (PTSD)

🔴بالبداية شو هو اضطراب ما بعد الصدمة⁉️

اضطراب ما بعد الصدمة (PTSD) هو اضطراب نفسي بصير للأشخاص يلي عانوا أو تعرضو لحدث مؤلم مثل حادث خطير أو عمل إرهابي أو حرب أو اغتصاب أو أو تعرضوا للعنف الجنسي .

👈 وممكن أنو يصيب اضطراب ما بعد الصدمة جميع الناس و بأي عمر.
👈ويتم تشخيص واحد من كل 11 شخصًا مصابًا باضطراب ما بعد الصدمة في حياتهم.
👈والنساء أكثر عرضة للإصابة باضطراب ما بعد الصدمة بمقدار الضعف مقارنة بالرجال.

🔴شو بتعرفو عن الأشخاص المصابين بهالاضطراب⁉️
الأشخاص المصابون باضطراب ما بعد الصدمة عندهم أفكار ومشاعر كتيرة ومزعجة بتتعلق بتجربتهم ويلي ممكن تستمر لفترة طويلة بعد التعرض للحدث الصادم.

فجأة يشعر بالحزن أو الغضب او الخوف (مشاعر سلبية)
وعندن استعداد دوماً للقتال و أحيانا عندن رد فعل سلبي تحاه اللمس أو الضوء
وبيتعرضو كتير لتذكر الحادث المؤلم وكوابيس
ومنهن مين بينعزل عن الناس وخصوصاً الأشخاص يلي بذكروهن بالحدث ويفقدون الراحة وصعوبات في النوم وعدم القدرة على الوثوق بالناس وإلقاء اللوم على نفسه(أنا سيء/أنا شخص ضعيف…)

🔴ليتم تشخيص الشخص باضطراب ما بعد الصدمة ، يجب أن تستمر الأعراض لأكثر من شهر ويجب أن تسبب ضائقة أو مشاكل كبيرة في الأداء اليومي للفرد.

وبتظهر الأعراض على العديد من الأفراد في غضون ثلاثة أشهر من الصدمة ،
ولكن قد تظهر الأعراض لاحقًا وتستمر غالبًا لأشهر وأحيانًا سنوات.

🔴العلاج⁉️
العلاج بيعتمد بالبداية عالدعم المعنوي والنفسي من قبل الأهل والأصدقاء
والأفضل يتم استشارة طبيب نفسي ل يقدر الشخص التخلص من المشاعر والافكار السبية والعودة لحياته الطبيعية
وبحالات متقدمة بتم وصف أدوية اكتئاب وقلق وأدوية مساعدة على النوم

⛔ومافي داعي نحكي عن نتائج هالاضطراب عالشخص من أفكار انتح” ارية أو سلوك عدواني….

لهيك كونو سند لبعض وداعمين بأي خطوة بياخدوها❤️
يمكن شيرين شافت أنه تقدم على خطوة بتخاف منها ( حلق شعرها) وسيلة لتقدر تتخلص من مشاعر سلبية و حوادث مؤلمة تعرضت إلها وترجع قوية متل قبل والضحكة يلي رسميتها بتكفي لتخبرنا إنها قوية ❤️

كنت معكم أنا أمل ماهر سعيد

(سماعة حكيم)