يلا عالسريري مكمّـل معكم ..
ووصلنا لآخر مراحل الجهاز التعويضي المتحرك الجزئي …
⛔ بجلسة تسليم الجهاز لازم :
⚠️ نفحص الجهاز بالبداية بالأصبع :
منتأكد أنو ما في حواف طويلة أو وجود نتوءات بباطن الجهاز، وطبعا هاد الفحص منعمله قبل مانجرب الجهاز بفم المريض .
⚠️ بعدها منفحص الانطباق :
يعني منتأكد أنو الجهاز نازل بمكانه الصحيح، والضامات متوضعة بمكانها الصحيح على السن .
ومنتأكد بهي المرحلة كمان من حواف الجهاز، لاعرف اذا كانت طويلة أو لا … طيب كيف بعرف ؟!؟
بشد الخد والشفه كل وحده لحال، إذا بعد الجهاز عن مكانو معناها عنا حواف طويلة، وبالفك السفلي اذا المريض حرك لسانو وتحرك الجهاز معناها كمان الحواف طويلة .
⚠️ وهلا صار فينا نفحص الإطباق :
منستخدم بهي المرحلة ورق العض و بسحل الأماكن العالية [ تذكر منسحل من قعر الوهده و السطوح المايلة و بتجنب اسحل من قمم الحدبات احافظ على الشكل التشريحي ] .
طيب كيف بعرف أن هي النقطة لازم اسحلها ؟؟
بسحل النقاط الغامقة مو الفاتحة يلي بتعلّم بورق العض
⚠️ هلا منجي للمرحلة يلي بعد و هي تعديل الضامات :
وهون منستخدم المطاوي [ منمسك الجهاز بايدنا اليسار و المطوايه بايدنا اليمين و مندور #الجهاز فبيتعدل شكل السلك تبع الضامه حسب الانحناء يلي بدنا ياه ] .
⚠️ وأخيراً صار لازم نعلم المريض كيف يلبس الجهاز و يشيلو مندون ما يكسر و تتشوه الضامات، كمان منعطيه 👇 ..
⚠️ التعليمات اللازمة يلي هيي :
1️⃣ لازم يعرف أن مدة التكيف مع الجهاز طويله و طبيعي مايرتاح بالبداية .
2️⃣ لازم الجهاز ينغسل بعد كل وجبة بالفرشاية والصابون العادي ما يستخدم سائل الجلي، ولمّـا يغسل الجهاز يكون تحت ايدو في صحن في مي حتى اذا وقع الجهاز من ايدو يوقع بالصحن و ما ينكسر .
3️⃣ بالبداية منخلي الجهاز بالفم ليل ونهار .
4️⃣ يتحسن اللفظ من خلال القراءة بصوت عالي لحتى يتعود اللسان على الوضع الجديد .
5️⃣ ومنرجع منأكد على فكرة عدم نزع الجهاز من الضامات .
⛔ ملاحظة كتير مهمة : مراحل الفحص منعملن بالترتيب السابق
وهيك منكون خلصنا مادة التعويضات الجزئية 😎 ..
شو عندكم أسئله خبرونا فيها ..
و لا تنسوا تحفظوا البوست عندكم من هلا لجلسة التسليم ..
تبقوا بألف خير ..❤..
إعـداد : د. رامـه جـبـري .
مــــيددوز ~ مـــــصدرك للـــــمعلومات الـــــطبية الــــــموثوقة 🛡.
مواضيع صحة الاسنان والفم