🚩 مريض التسوية.. نادر الوجود ~ يلا عالسريري
اليوم رح نكفي بمادة اللثة ونحكي بالتحديد عن تسوية الجذور
⛔ اولا بدنا نفرق بين أربع مصطلحات :
⚠️ التقليح Scaling : يلي هو ازالة التصبغات والقلح فوق اللثوي عن سطح سن
⚠️ تسوية الجذر Planing root : اجراء علاجي بيضمن ازلة القلح+جزء من طبقة الملاط الملوثة بالذيفانات الجرثومية +تنعيم الجذر
⚠️ التنضير حول السني Periodontal debridenent : فهو المفهوم الحديث من تسوية الجذر حيث لا داعي لإزلة جزء من طبقة الملاط اثناء تنظيف الجذر
⚠️ وأخيراً التجريف Gingival curettage : يلي هو إجراء علاجي بضمن إزلة النسيج الاتهابي اللثوي من باطن بشرة الجيب حول السني
⛔ طيب مين هو مريض الذي اعتبر استطباب تسوية؟
📌 إما ان يكون : مريض لديه انحسار باللثة أدى الى انكشاف الجذر او منطقة مفترق الجذور
📌 أو: مريض لديه جيب لثوي حول سني بعمق 4 ملم أو أكثر على أحد سطوح الأسنان
ويقاس من الحافة اللثوية الحرة حتى أعمق نقطة من الجيب بواسطة السابر اللثوي
وهاد الشي يسجل على ورقة التشخيص أمام كل سطح من سطوح السن
⛔ طيب شو سبب تشكل هاد الجيب او الانحسار ؟!؟
☝️ السب الاساسي هو اللويحة الجرثومية
فبتدأ الإصابة بتجمع اللويحة⬅ التهاب لثوي⬅ التهاب نسج حول سنية ⬅جيب حول سني او انحسار .
✌وممكن تكون اسباب تشريحية لها علاقة بالسن او العظم او اللثة
⛔ ليش منعمل تسوية ؟
بشكل العام عند وضع خطة للمعالجة تأتي المعالجة اللثوية من تقليح وتسوية في البداية
سواء كانت الخطة في المستقبل تعويضية او قلع
⛔ طيب شو بيلزمنا أدوات لهاد العمل ؟؟
⚠️ رح نستخدم المجارف وتقسم الى نوعين [ #عامة و #خاصة ]، الفرق بينهما :
🔺العامة :
تستخدم لجميع الاسنان، طرفا الشفرة قاطعان، والزاوية للشفرة قائمة، ومثالها مجارف كولومبيا
🔻 الخاصة [ يلي رح نستخدمها ] :
زاوية الشفرة مع العنق النهائي 70 درجة، والشفرة لها حد واحد قاطع واحد + انحناء جانبي .
⚠️ ولنعرف اي منهن الحد القاطع (الطرف يلي بدنا نحطو عالسن) عنا أكثر من طريقة يلي هنن :
▪️قاعدة وجه ظهر
▪️قاعدة العنق النهائي
▪️قاعدة التقعر او تحدب الشفرة
▪️وابسطها هي طريقة الطرف الأدنى :
نمسك الاداة بشكل عامودي والشفرة نحو الاسفل
طرف الشفرة الأقرب نحو الأرض (الأخفض) هو الطرف القاطع
ومثال عليها هو مجارف غريسي تقسم الى سبع ادوات خاصة بكل سطح من سطوح الاسنان وهي:
▫️1-2 و3-4 للأسنان الامامية .
▫️5-6للأسنان الأمامية والضواحك .
▫️7-8و9-10 للأسنان الخلفية دهليزي ولساني (سطوح عريضة) .
▫️11-12 للأسنان الخلفية السطوح الأنسية .
▫️13-14للأسنان الخلفية السطوح الوحشية .
⚠️ لكن نحن منكتفي بالأدوات 6-5 و7-8و11-12و13-14
هيك بكون شملنا جميع الأسنان
⛔ وهلأ لازم نعرف طريقة العمل:
⚠️ أولاً :
ممنوع تشتغل ألا ويكون كل أدوات العقامة موجودة
+ ممنوع تشتغل وانت لابس الساعة بأيدك (عن تجربة😂)
⚠️ ثانياً :
▪️وضعية المريض هي الإستلقاء .
▪️وضعية الطبيب بين الساعة 6 و12
▪️ومسكة الأداة هي مسكة القلم المعدلة .
▪️وبالنسبة لنقاط الاستناد ويلي حكينا عنون ببوست التقلح هنن نفسون، لكن يفضل عند العمل على الأسنان الخلفية تكون نقاط الاستناد خارج فموية لسهولة العمل .
⚠️ ثالثاً :
▪️ندخل الأداة بزاوية صفر بين وجه الشفرة وسطح السن .
▪️منحدد قعر الجيب بضهر الشفرة .
▪️بعدين منفتل الاداة لتصير بزواية بين 45 و90 درجة مع سطح الجذر .
▪️ولازم ننتبه أنو لازم يكون في تماس دائم بين سطح الجذر والنهاية العاملة للأداة، وهاد شي بيتحقق بتدوير الأداة بين الإبهام والسبابة أثناء العمل .
▪️منبلش بإزلة القلح بضربات متراكبة فوق بعضها بحوالي 1ملم مشان نضمن ما نكون نسينا اي جزء بدون تنظيف
والحركة رح تكون حركة سحب على طول الجذر
وهي أقل قوة و اكثر طولا من حركات التقليح
⛔ كيف منعرف انو خلصنا ؟!؟
▪️بكون صار سطح الجذر ناعم اثناء تمرير الاداة
وهيك منكون خلصنا اخر عمل باللثة وصرتوا جاهزين لعملي اللثــة، انتظرونا بأعمال مادة القلع والتخديى
لجميع بوستات أعمال السريري فقط اضغط على [ #يلا_عالسريري ]، واستفساراتكم ضمن التعليقات …
كل الحبّ.. ميددوز ..❤️..
إعــداد : د. سـامـر عسّــاف .
مــــيددوز ~ مـــــصدرك للـــــمعلومات الـــــطبية الــــــموثوقة 🛡
مواضيع صحة الاسنان والفم