بسبب هل الوضع الصعب للكهرباء والانقطاع الطويل ألها كتيير عالم عم تعاني من شحن البطاريات يعني يا مركب طاقة شمسية والجو غائم وما عم تلحق شحن يا ما عندو طاقة وبطاريتو صغيرة ما عم تكفيه
– فللأسف كتيير عالم عم تتجه لموضوع تكبير الشاحن على البطارية لتحل المشكلة والصراحة هي جريمة بحق البطارية وبحق الجيبة تبعك
-طيب شو نساوي الكهرباء ما عم تلحق تشحن البطارية وجاري ابو فلان سيد من اشتغل بالكهرباء وصلح لمبات توفير شار علي انو حط شاحن 50 امبير على بطاريتي ال 100 وشغالة عندو وعين الله عليها ؟!؟!
– يا اخي كل شركات البطاريات السائلة والانبوبية والجل وووو كلها ما بتنصح تحط شاحن استطاعتو اكبر من 10% من سعة البطارية يعني بطاريتك 100 بتحط شاحن 10 امبير ويعني تجاوزا لكلام المصنع وبالظروف الصعب حط شاحن 15 ل 20 % يعني شاحن 20 امبير لل 100 امبير و40 امبير ل 200 كحد اقصى
أما تحط شاحن 20 لبطارية 25 امبير حرام هادا كب لمصريك لانو البطارية ما لح تعيش معك غير اشهر بس وحق البطاريات صار بيكسر الضهر وكل شهر سعر ؟!
– طيب البطارية ما عم تكفيني شو ساوي ؟!
حلك بسيط يا ركب لوح طاقة لشحن البطارية بس بدون ما تحط معو شحن كهرباء او بتحط لوح صغير يعطي 10 % من استطاعة البطارية وشاحن كهرباء 10 % مشان يدعمو بعض بس
او بتكبر بطاريتك وبتكبر الشاحن بما يتوافق مع البطارية
اذا حضرتك من جماعة الدروشان متلنا ومتل هل العالم حلك بسيط خففففففف استهلاك والانفيرتر بتنساها تماما والليدات تخفيف على الاخر
المسلسلات على الموبايل بس والتلفزيون بتعملو حوض سمك
اما مشغل انفيرتر وبطاريتك تحت ال200 وبدون ألواح فبلش بكتابة وصيتها للبطارية وودعها كل ما تفوت وتطلع من البيت
– وجماعة انا جربتها وحاطط شاحن 40 امبير على بطارية 75 امبير جل وعين الله عليها بطاريتي عايشة من عشر سنين هدول لا تسمعلون بنوووووب هدول جماعة مغرضين وهدفون النيل من جبتك المسكينة
سامحونا على الأطالة بس حبيت نبه لانو كتيير عالم ما عندا فكرة عن هل الموضيع ابدا
