اولا: لما بدك تشتري بطارية ما تاخدا عقد حاجتك تماما لانو عهالحالة انت بتكون عمتفرغا بشكل دائم وهاد الشي هوي بمثابة سكين بقلب البطارية ما بتقدر تتحملو احسن بطارية حاول تاخد بطارية ضعف حاجتك اقل شي يعني مثلا ازا بدك 35 جيب 75
ثانيا:لما تجيب البطارية راقب حرارتا لانو الحرارة هوي عدو كبير كتير للبطاريات عموما لما تحما البطارية لازم تعرف ازا امبير الشاحن متناسب مع البطارية او لا وممكن يكون الشاحن بدو عيار للفولت و هوي ميسببلك حرارة بالبطارية
ثالثا:جيب ساعة فولت وراقب فولت البطارية ما تخليه ينزل عن 11.5
ثالثا:لاعاد تفكر تجيب بطاريات سائلة وطنية لانو البطاريات التالفة الي عم تتاخد من العالم عم يدوبو الصفائح الي فيها بدون تنقية للترسبات الي كانت علبطاريات التالفة من كتر الاستخدام وعم يحطوها بقوالب و يبيعوها كبطارية جديدة لذلك لا تفكر تشتري بطارية سائلة وطنية
رابعا:حاول بعد عن البطاريات السائلة عموما و الوطنية خصوصا
خامسا:ترتيب جودة البطاريات بكون انو السائلة هي الاردئ بعدين الجيل بعدين الليثيوم الي هيي بطارية العصر
اخيرا بتمنى كون بمعلوماتي الصغيرة فدت اي شخص قبل ما يغلط و يستعجل ودمتم سالمين
يسلمو عالنصيحة بس مافينا نجيب غير سائلة وطنية لانو هي الامكانيات فا اذا عندك شي نصيحة لتطول معنا البطارية اطول وقت ممكن ياريت ومشكور
أحسنت ، مهما كانت المعلومة صغيرة أو عميقة
هيي ممتازة وكتار بيحتاجوها
معك حق ولا مرة جبت بطارية وطنية الا طلعت سيئة مع اختلاف الماركات والمسميات
الف شكر لك
في نوعيات وطنية جيدة وانا مجربها بس المشكلة الأكبر بالبطارية السائلة سواء كانت وطنية أو أجنبية هي بالأسيد الممدد بماء الصنبور وليس ماء مقطر بل والأسوأ الأسيد المفرغ من البطاريات القديمة التالفة يكرر ويعبأ بالبطاريات الجديدة وهو مايقصر من عمرها ويجعلها تتلف سريعا وللأسف أغلبية من يقومون بتعبئة البطاريات وبيعها يقومون بذلك إلا مارحم ربي
أنصحكم بشراء البطارية السائلة فاضية بدون تعبئة وتعبئتها بأنفسكم أو تعبئتها من مكان موثوق هذا إن وجد مكان موثوق للأسف الغش منتشر بشكل كبير دون حسيب أو رقيب
كلامك صحيح