حابة تجيبي بيبي و تبني عيلـة دافية كلها حـب وحنان .. هي خطوة كتير مهمة بحياتك .. و لازم تستعدي نفسياً وجسدياً مشان تستقبلي البيبي الصغير وتكوني الملاذ الآمن والوطن الدافي لإله ❤
✔- إذا كنتي عم تعاني من أمراض متل الضغـط أو السكـري .. لازم تتابعي مع طبيبك مشان تضبطيهن قبل الحمل وما يعملو اختلاطـات إلك وللبيبي ..
✔- إذا كان عندك زيـادة بالـوزن يفضل تعملي رياضـة وتنقصي وزنك قبل الحمل .. لأن رح يزيد وزنك بشكل طبيعي بالحمل .. ولكن ما بدنا ريجيـم قاسـي قبل الحمل مباشرة ممكن يأثر عالبيبي ..
✔- وكمان إذا كنتي نحيفـة كتير وصحتك على قدا لازم تقوي جسمك من خلال التغذية المناسبة والفيتامينات قبل الحمل ..
✔- إذا كنتي عم تاخدي أي أدويـة لازم تخبري طبيبك عنا .. في أدوية بتعمل تشوهـات جنينيـة ولازم ما يصير حمل بعدا لسنة أو سنتين من إيقافها .
✔- و في دراسـات بتدعم أخد الفوليـك أسيـد قبل 3 أشهر من الحمل وخلال الحمل يلي بيحمي البيبي من تشوهات الأنبـوب العصبـي
ختامـاً منتمنى لكل أُنثـى تعيش هالتجربة الحلوة و الدافية بشكل صحـي و آمـن وبدون أي مشاكـل ❤✨
✒» إعـداد : د.هبـة أحمـد الفـروح – مقيمـة نسائيـة وتوليـد
مــيددوز ~ مصــدرك للمعلومــــات الطبيــــة الموثوقــــة 🛡️
(ميددوز)