مشكلة الدفع اللساني أو البلع الطفلي

🚩 لنخض تجربة معاً !!

ضع أي شيء قابل للأكل في فمك، امضع جيداً، ثم ابلع .. خبرونا وين كان توضّع اللسان لحظة البلع ؟!؟

في حال كان البلع عندك طبيعي، رح يتوضع اللسان على قبة الحنك (سقف الفم) ، أمَّا في حال كنت عم تعاني من مشكلة رح ياخد اللسان وضعية متقدمة بين الأسنان الأمامية أثناء البلع .

⛔ شو هالمشكلة وشو علاجها، صار دورنا نخبركم :

مشكلة الدفع اللساني أو البلع الطفلي

⚠️ مشكلة وظيفية يتوضع فيها اللسان بشكل خاطئ عند البلع «متل ما وضحنا قبل» .

⚠️ يعتبر هذا النموذج من البلع طبيعي عند الأطفال الرضع (بسبب استخدم الأطفال للهايات أو رضاعات الحليب وبالتالي بشكل طبيعي خلال البلع سيتوضع اللسان بوضعية متقدمة عند حلمة الرضاعة)

⚠️ لكن يتحول لمشكلة في حال استمرار هذا النموذج من البلع لأعمار متقدمة، ومنصير بحاجة للعلاج .

⛔ شو سبب استمرار البلع الطفلي عند البالغين ؟!؟

⚠️ الاستخدام الطويل للهايات أو مص الأصبع عند الأطفال .

⚠️ تشوهات اللسان ككبر حجمه .

⚠️ صعوبة البلع بشكل طبيعي نتيجة بعض العوامل كالتهاب الحلق المتكرر .

⚠️ احتقان الأنف و الحساسية اللي بتخلي المريض يتنفس عن طريق الفم (وهالشي بسبّب توضع اللسان بشكل منخفض عن الطبيعي وبينتهي الأمر بالدفع اللساني أثناء البلع) .

⚠️ كما وقد تلعب العوامل الوراثية ونمط نمو الفك دور في ذلك .

⛔ كيف ممكن نعالج هالمشكلة ؟!؟

جهاز Tongue crib

وهو عبارة عن جهاز تقويمي مزود بأسلاك مهمتها منع اللسان من الاندفاع نحو الأمام ودفع الأسنان الأمامية بالتالي يساهم في تصحيح المشاكل الإطباقية الناجمة عن سوء توضع اللسان كـَ {العضة المفتوحة}، يوضع داخل الفم ويثبت بواسطة حلقتين على الاسنان الخلفية (متل ما شفنا بالفيديو 👇) .

انشالله تكونوا استفدتوا من معلوماتنا ❤ ..
تبقوا بألف خير ❤ ….

● إعداد : د. ريما محسن خطيب .
● تحرير : د. آيـة معن محـمود .
● التدقيق العلمي : د. عمرو فهد هنيدي .

● المصدر العلمي :https://pubmed.ncbi.nlm.nih.gov/27938658

🚩 اعـتمادُ ” مِنصَّـةِ صِحـَّةِ الـفَم السوريَّـة – MedDose ”
المتخصِّصةُ بنشر الموثوقِ من طبّ الأسنـان و اختصاصاتهِ ومُحاربةِ المُعتقداتِ الطبيـَّة الخاطئـة.
مواضيع صحة الاسنان والفم