معلومات عن المعهد التقاني لطب الأسنان

المعهد التقاني لطب الأسنان
* مدة الدراسة فيه سنتان ويقسم لقسمين:

أولاً-قسم التعويضات السنية

-التعويضات السنية عبارة عن فرع من طب الأسنان وبيكمل طب الأسنان يتميز المعهد بانه فرع عملي بحت .
السنة الاولى بتكون المواد خفيفة قسم منها عملي وقسم نظري ومن هي المواد:
-جزئية : هي تعويض فقد الأسنان بشكل جزئي(يعني فقد بجنب واحد أو جنبين)
-كاملة: هي لتعويض لفقد جميع الاسنان بفك واحد او فكين ( البدلات الكاملة )
-تيجان وجسور: هي لتعويض السن بشكل مفرد أو جسر(عدة أسنان) بواسطة الشمع.
-التشريح : نحت سن من الصابون لتعلم شكل تشريح السن.
مواد النظري : مواد سنية – الصحة العامة والطب الوقائي – انكليزي – عربي – ثقافة قومية.
بالسنة التانية :
المواد نفسها بسنة اولى وبتنضاف عليهن ماديتن يعتبرو اساسيات المعهد ( الخزف السني – والتقويم ). -الدراسة اغلبها من الكتب وفي كم مادة ممكن تكون محاضرات من قبل الدكاترة
-الطالب بالمعهد لازم يكون انسان نشيط ومثابر وصبوور جداً لانو الشغل بيطلب وقت واغلب الاحيان مراحل متعددة
ليتقن فنون الصناعة واكيد لازم يكون عندو لمسة فنية ليبدع ويتميز عن الباقين ويكون بالقمة .
-بالنسبة للمواد المستخدمة غالية ومكلفة(بشكل مقبول نوعا ما) بس ممكن شراء المستعمل بقيمة اقل .
– بيترفع (٣%) من طلاب الاوائل ع كلية طب الاسنان سنة تانية( من كل مئة بيتخرجو بياخدو اول ثلاثة ) مو ثلاثة من كل الدفعة بس بيحملوك 4 مواد من السنة الاولى
-بعد التخرج بتحصل على شهادة الدبلوم التقاني لمعهد طب الاسنان قسم التعويضات .

ثانيا-قسم المساعدات
مدة الدراسة سنتان.
-قسم المساعدات مخصص لطالبات الفرع الأدبي وهو منفصل عن قسم التعويضات يُدرس القسم مواد مرتبطة بطب الأسنان والصحة العامة .
السنة اولى بتكون مواد خفيفة منها عملي ومن هي المواد :
– تشخيص
-علم نسج حول السنية
-علم الأشعة
-جراثيم والطفيليات
وقسم النظري : تشريح الاسنان – انكليزي – وعربي – وثقافة قومية.
بالسنة التانية :
المواد نفسها بسنة اولى بس رح تتوسع اكتر من ناحية العملية وبتنضاف عليهن كم مادة ( جراحة الفم – ومداواة الاسنان – وتيجان وجسور – تعويضات متحركة) الدراسة اغلبها من الكتب وبعد التخرج تعمل الطالبة في عيادة طبيب الأسنان تحت مسمى مساعدة طبيب أسنان ع عدة مهام كتحضير المواد والتعقيم وتحضير العيادة من ناحية النظافة والأجهزة .
المصدر : هاشتاغ 11:11