✔» انتي أم مثالية ونضيفة كتير ، حاطة بالحمام علب هالمنظفات من كلور وماشابه ذلك 😍 وعندك ولد صغير الله يحميه شو عاقل اذا بيشوف قنبلة بده يعملا تجربة تذوق بتمه 🙂.
✔» انتي قاعدة عالفيس وماحاسة عليه وإذ بيقتحم الكائن الصغير الحمام وبتلفتله نظره علبة المنظفات الملونة وبخياله الواسع فكرها قنينة عصير 🙂
عمل كوكتيله الخاص وشرب من هالمنظفات ..
✔» وانتي بكل هالمعركة وينك؟🙄
عالفيس عم تعلقي لجارتك أم تحسين لتشوف عيارات الششبرك 🙂.
✔» بيجي ابنك عم يسعل 😧، بطنه عم تتقطع من الوجع🤢 ، عم يرول (إلعاب ) ، وماعم يقدر يبلع من الألم ، وممكن يستفرغ دم 🚫.
طبعا انتي مالازم تجمدي هون😳، بتتركي الششبرك يحترق قبل مايحترق المري تبع ابنك .
وانتي رايحة عالمطبخ تجيبيله شي بتشوفي باب الحمام مفتوح وبتكتشفي الجريمة 😑
🚫إياكي تفكري تحرضيه ليستفرغ لانه بتزيدي الطين بلة 👌.
🚫إياكي تفكري انه هوي بالع مادة قلوية ف بعدله ياها بمادة حامضة بيقوم بيخف الأثر ❌✖بطن ابنك مو أنبوب اختبار لتعملي تفاعلات .. لانه رح ينتج تفاعل يئذيه اكتر 👌.
🚫مابتطعميه شي إطلاقا 👌.
🚫شوييية مي أو شوية حليب لبينما تاخديه عالمشفى يعملوله تنظير هضمي إسعافي خلال ٢٤ سا لحتى يقيموا شدة الإصابة 👌.
🚫يعني اذا مالقيت حليب عادي ماء ؟ 🤔
عادي لأنه الغاية منن هوي تمييع المادة يلي بلعا الطفل تخفيفا يعني بس الحليب🥛 أفضل نوعاً ما لأنه المعدة رح تنشغل بهضم السكر يلي بالحليب يلي بده مساعد خاص لحتى ينهضم، وبالتالي بكون حطيت المريض بحالة مؤقتة من عسر هضم لحتى نحمي هالطفل من انه المادة السامة تهضم وتمتص وتئذي المعدة والأمعاء،🤗
لنفس السبب نحنا منقول للمريض لايشرب حليب مع فيتامينات بنفس الوقت لأنه رح يصير في سوء امتصاص لهي الفيتامينات .
👈وبعد مايدبروه التدبير المناسب بيطلبوا منك تجيبيه بعد ٣ أسابيع لحتى يعملوله استقصاء يكشف اذا صار عنده تضيقات بالمري .
👈ممكن بسبب إهمالك تكوني عرضتي ابنك بنسبة ١ ل ٤ بالمية انه يصير معه سرطان مري😪 بعد ٤٠ سنة من هالحادثة 💔.
👈هاد الشي مابيعني انه لازم تنعزلي عن العالم وانه ما الك وقت فراغ وراحة وتسلية ،
حقك الطبيعي بس خلي ابنك قدام عيونك👀 واذا كان بسن الحركة الكتيرة والمشي🕺 أجلي وقت فراغك لوقت نومته وحاولي ترفعي أي مادة مؤذية ممكن يبلعها بحيث مايقدر يوصلا، لأنه طفلك أمانتك💙.
علياء حرب – طبيبة أطفال .
مــــيددوز ~ مـــــصدرك للـــــمعلومات الـــــطبية الــــــموثوقة 🛡
(ميددوز)
بحط ايدي بزلاعيمو بخليه يستفرع مصارينو
ميودوز بوستاتك حلوة لا تخربا ب الايموجي متل مطلقات عدسة طب وما شابه
يشرب حليب بيستفرغ فورا
…
اكتر شي بينرفزني بهالحياة هو الام المهملة
يعني لازم ينحطلو للحليب سكر !
❤❤
….
عم اتخيل أنو بهيك حالة يخطرلي شربو حليب !
اصلا اذا كان كتير صغير ما رح اعرف انو اللي شربا هيي من المنظفات
خلص هيك حالة بدا مشفى دغري
منتركون يموتو وهيك منرتاح من الكائنات المزعجه يلي عم تأذي الحيوانات
جزاكم الله كل خير
❤❤❤❤
..
❤❤❤
❤❤❤
شكرا معلومه مفيدة جدا