بالطب في هيك شي؟ هاد هبد طبي أو جد الحزن بيأثر عالقلب؟
في متلازمة طبية اسمها متلازمة القلب المكسور..أو تاكوتسوبو(مكتشفها ياباني لا تستغربوا)
شو الأعراض؟
هيي بتشبه شوي أعراض النوبة القلبية..بيجي وجع بالقلب وضيق نفس بس الفرق بينهم انو بالنوبة بيصير تضيق بالشرايين وهو السبب الأساسي أما هون أمور القلب تمام مع احتمال مشاكل شريانية
كيف بتصير؟؟
ببساطة صدمات نفسية..سواء عاطفية أو مادية أو اجتماعية أو نفسية او او او ….المهم …صدمة قوية بتأثر عالقلب
●السبب الرئيسي الفيزيولوجي بيقولوا مسؤول عنه الأدرينالين اللي بينفرز بحالات الإجهاد
وفي أدوية ممكن تسبب هيك أعراض وهيي الإيبنفرين اللي بيستعملوه مرضى الربو..الليفوثيروكسين لأمراض الدرق..المنشطات مثلاً وأدوية الإكتئاب💔
🚫نسب الإصابة عند النساء أعلى من الرجال..بتعرفونا دراما كوين نحنا🚫😎
وأغلب الإصابات بتكون بأعمار كبيرة فوق ال 50 سنة
كيف ممكن نتلافى الوضع؟؟
ببساطة لا تسمح لحدا يعمل بحياتك متل لما يدخل فيل لمحل فخّار😁
بعّد عن كلشي بيسببلك توتر..وممكن الأطباء أوقات بيستعملوا حاصرات بيتا عالمدى الطويل مشان تخفف تأثير الأدرينالين عالقلب اللي بالأصل بيعمل تسرع وتوتر فيه
احفظوا قلوبكم بخير واحموهم من كلشي بيأذيهم💙
متل العادة..كل مرة..انا د. ماري نمنوم💙
(سماعة حكيم)
https://www.mayoclinic.org/ar/diseases-conditions/broken-heart-syndrome/symptoms-causes/syc-20354617
Marie Namnoom