من أبشع الاختلاطات حدوثاً في قسم الاندو هيي حادث هيبوكلورايت الصوديوم

🦷من أبشع الاختلاطات حدوثاً في قسم الاندو هيي حادث هيبوكلورايت الصوديوم ..🦷

✔هاي الحادثة بتصير عند الضغط القوي(العنيف) للهيبوكلوريات بداخل قناة فهالشي يؤدي إلى خروج المادة من ذروة السن باتجاه النسج .. و هاد الحكي للاسنان مثلا يلي ذروتا مفتوحة او غير مكتملة او بتعاني من امتصاص ..

⬅️لذلك لتتجنب هيك حادثة (لاااااااا تضغط بقوة🚫 لحقن الهيبوكلوريات اذا حسيت بمقاومة)..

✔الأعراض المباشرة الحاصلة هيي:
1 ألم صاعق☠
2 نزف دموي غزير من السن و النسج الخلالية

✔الأعراض اللاحقة او الملامح السريرية اللاحقة:
1 وذمة
2 كدمات مع تموت نسيجي
3 اذا استمرت الأذية و تأذت الاعصاب من الممكن ان يشعر المريض بخدر و قد يحصل انتان ثانوي و بحال وصلت الأذية للاعصاب كما قلنا سيطول الشفاء مدة اكثر ..

✔مدة الشفاء تتراوح بين أسبوع و عشرة ايام (بدون أذية عصبية)

✔أهم شيء التدبير الآني للمريض في العيادة و هيي بتكون بمحاولة الطبيب سحب الهيبوكلوريات بالسيرينغ
وتطبيق كمادات ماء بارد
تاني يوم أي بعد مضي ٢٤ ساعة منحطلو كمادات مي ساخنة لنرجع ننشط الحركة الدموية

✔(ممكن) نوصف لمريضنا مضاد حيوي و مسكن و مضاد هيستامين مع انو الاطباء اختلفوا على المضاد الحيوي و مضاد الهيستامين..

⚠️مشان ما يصير كل هالحكي شو منعمل ؟؟
أنا بقلكن..
1 مستخدم رؤوس ابر ذات فتحات جانبية مشان الضغط مايكون كبير عالذروة
2 ابرتك دايما خليا بعيدة 1.5 ⬅️ 2 ملم عن الذروة لانو هي مسافة الامان بين رأس الابرة و السائل
3 متل ماحكينا لا تحشر الابرة ضمن القناة
4 حرك الابرة ضمن القناة حركة عمودية انت و عم تحقن

نشالله كون قدمت معلومة مفيدة لوو 1%

بترككن مع هالصورتين الحلوات🦷😂

وشكراً للقراءة❤
ميددوز
إعدادي
المرجع : https://ara.legatechnics.com/review-use-sodium-hypochlorite-endodontics-potential-complications-59950399

مواضيع صحة الاسنان والفم