من أربعة شهور تقريباً قبل هاليوم بتاريخ 2023/2/9 نزلت منشور للطلاب شهادتي البكالوريا التاسع، وقلت فيه:
أنو ما لازم نستسلم للأوضاع قط، وأنه شو ما صار نحن أقوى من الظروف، وأقوى من أي زلزال، وأنو هاد مو يومنا ” بكرا يومنا ”
هالكلام مر عليه تقريباً 4 شهور، يعني 120 يوم، يعني 2880 ساعة، يعني 10,368,000 ثانية، وهالكلام الي عم أكتبه هلق، كمان راح يمر عليه وقت يمكن يوصل لآلآف السنين إذا رب العالمين بده.
لهيك طلابنا، طلاب التاسع والبكالوريا
لو شو ماصار الدنيا بدها تمشي، وراح تمشيك معها غصباً عنك! لهيك حياتك ما رح توقف عند شهادة أبداً، لا تقول إذا رسبت بالامتحان يعني خلص فشلت بمستقبلي، وإذا نجحت بالامتحان يعني نجحت بمستقبلي لا لا لا. الحياة عمرها ما وقفت على حدا، وما رح توقف، وأنا متأكدة أنو كل طالب/ة عم يقرأ هالمنشور أنو تعب وحرم حالوا من كثير شغلات في سبيل هالحلم،
والله مستحييييييل يضيعلك تعب؛ لأن سبحانه قال: ﷽
(وَمَن يَتَّقِ اللَّهَ يَجْعَل لَّهُ مَخْرَجًا، وَيَرْزُقْهُ مِنْ حَيْثُ لَا يَحْتَسِبُ وَمَن يَتَوَكَّلْ عَلَى اللهِ فَهُوَ حَسْبُهُ إنَّ اللهَ بَالِغُ أَمْرِهِ قَدْ جَعَلَ اللهُ لِكُلِّ شَيْءٍ قَدْرًا)؛ لهيك لما تروح بكرا عالامتحان تذكر رب العالمين شو قلك، وبشو وعدك.
ودائماً ردد: كل مايحدث الآن سيصبح ذكرى، وسأتذكره…
– أ. يارا العلي
