من بريد الصفحة للاسف مضطر احكي شو عم يصير باللاذقية من الن

من بريد الصفحة

للاسف مضطر احكي شو عم يصير باللاذقية من الناحية المرضية.
أصدقائي الموجة الرابعة استفحلت ما عم تعرف لا شباب ولا كبار بالعمر ولا اطفال…
بالنسبة الي مبارح كان يوم رعب بامتياز : الحالات يلي مرقو لعندي عالصيدلية كانت رهيبة رهيبة صدقوني ما عم بالغ…الوصفات كلها كو’رو ‘نا… الوصفات معباية كميات من أدوية الالتهاب ( صادات حيوية) عم تنصرف بطريقة شي متل الهبل و الخيال…
شفت مناظر من المشفى الوطني وصلني من أحد الزملاء يلي بعتلي ياه.. شعبة الإسعاف معباية.. شفت مريض كبير بالعمر عم يلفظ أنفاسه الأخيرة.. شفت الناس كيف عم تركض و تبكي و شفت الأولاد كيف واقفين جنب اسطوانات الأوكسجين مسندينا كرمال أهلهم……..
يا جماعة الموضوع مرعب صدقوني ماني عم بالغ… يمكن انتو شايفين نوعاً ما عادي….. بس هو غير هيك… مبارح كان خيال بخيال بالنسبة الي انطلبت ادوية مميعات و ادوية فيروسية و ادوية التهاب بالهبل بالهبل بالهبل للأسف و دون ارشاد!!!!
انا شايف اذا مرقت أزمة الكورونا عخير رح نكون مقبلين عشي فتاك اكبر من الكورونا يلي هو انو رح ناخد دوا التهاب (صاد حيوي) و ما رح نستفاد… رح نكون قدام حرب بيولوجية جرثومية رح تفتك بناس كتير وهيدا الشي ما رح يكون بعيد اذا بقي الوضع هيك…..
رجاءا أحبائي البوست مانو للتخويف… البوست لنوضحلكون شو صاير من اشيا انتو ما شايفينا…
١.التزموا بالكمامة.
٢.بعدوا عن أماكن التجمعات قدر الامكان.
٣.ادوية الالتهاب ما تاخدوا عشوائي رجاءا.
٤.شوية فيتامين c و d ما بيمنع.
بتمنى للجميع الخير و بتمنى ثقافة الل’قا ‘ح تاخد حقا و تنتشر بين الجميع…. هو آمن و آمن و آمن ما حدا يضحك عليكون..و الدراسات بتأكد هاد الشي.
الله يحمي الجميع….

الصيدلاني حبيب موسى

(سماعة حكيم)