موســـــم الإكتئــــــــاب قـد بـدأ رسميـــــاً ! ورقو ا

🔴» موســـــم الإكتئــــــــاب قـد بـدأ رسميـــــاً !

ورقو الأصفر شهر أيلول بيشبه نفسيـة كتار مننا هالأيام .. تعبانـة وضعيفـة وبينطبق عليها عبارة من نسمـة الهـوا بيبكـي !

ومنتحول من أشخاص بقمة السعـادة والنشاط لأشخاص حزينيـن بطاقة منتهية .. وكل هاد لأنو دخلنا بفصلي الخريـف والشتـي !

إذا صادفت حدا مكتئـب هالفترة رغم إنو معبي مازوت ومأمن خبزاته وعندو الكهربا 3 ب 3 .. توقع إنو عم يعاني من حالة اسمها الاضطــراب العاطفــي الموسمــي وسوريا هالمرة بريئة من الإكتئاب !

✔- هالحالة عبارة عن اضطـراب مزاجـي بيحدث كل عام بنفس الوقت وبيبدأ عادةً بالخريف أو الشتاء وبينتهي بالربيع أو أوائل الصيف موسـم السعـادة ..

✔- منوقف لحظة عند كلمة موسم السعادة لنستثني حالات نـادرة كلنا عنا منها وهي الناس يلي بتكره الصيف وبتكتئب فيه وهالحالة تعرف باسم اكتئــاب الصيــف يلي بينتهي مع دخولنا فصل الخريف ( جماعة كارهي الصيف لاقينالكم تفسير طبي تواجهو فيه جماعة محبي الصيف لتحلوا النزاع الأزلي بينكم )

✔- أما بالنسبة للسـبب الرئيـسي لحالة الإكتئاب الموسمي فهو غير معروف لحد اللحظة ولكن إحدى النظريات بتربط قلة ضوء الشمـس خلال فصلي الخريف والشتاء بإنتاج أقـل من مادة السيروتونيـن وهي مادة كيميائية مرتبطة بتنظيـم الحالـة المزاجيـة .

✔- و سيروتينين أقل يعني حزن واكتئاب أكتر .. تعب وقعدة بالبيت حد البراد والكثير من الوجبات و الـوزن الزائـد ..
بالإضافة لصعوبة بالتركيز وهمود بالطاقة ورغبة دائمة بأنك تكون وحيــد وبعيد عن التجمعات و مافي غير شهيتك الزايدة والأكل الطيب عم يواسيك .

✔- وبمرحلة ما ممكن تشتـد الأعراض جداً وهون الحالة بتحتاج لمراجعة الطبيب واتباع علاج خاص .

✔- هالحالة بتبدأ عادةً بسـن البلـوغ وبتكون أكثـر شيوعاً عند النســاء من الرجـال ( استغربتوا صح ؟! )

🔴» و للأسف في دول شعبها كلو مو بس نسائها بعيش حالات اكتئاب جماعية ( مو سوريا أبداً ) وإنما الدول يلي بتشهد ليالـي طويلـة بدون ضوء الشمس متل السويــد مثلاً يلي بتسجل سنوياً معدلات عالية من الانتحـار لهالسبب !

الله يساعد أهل السويد على الإكتئاب الموسمي وشكر كبير لسوريا يلي مأمنتلنا الإكتئاب على مدار المواسم والسنوات 🙃

✅» وتذكروا دائماً إنو رغم كل الظروف المحيطة دائماً في نـور شمـس ناخد منو vit D لنحمي حالنا من الإكتئاب ونحافظ على صحتنا النفسية .

مـيددوز معكم بكل المواسم ؛ ومنحبكـم بالصيـف وبالشتـي ❤

✒» إعــداد : د . محمـد عبـد الرحيـم مخلـوف

مــــيددوز ~ مـــــصدرك للـــــمعلومات الـــــطبية الــــــموثوقة 🛡

(ميددوز)