الأم👩🏻: مسا الخير دكتورة يعطيكي العافية بعد اذنك بدي استشارة منك لبنتي .
الطبيبة👩🏻⚕: أهلا وسهلا تفضلوا.
👩🏻: والله يا دكتورة عندي هالبنت شوفة عينك صبية بتقول للقمر غيب لاقعد محلك كل بنات جيلها بغارو منها لك مافي ولا شعرة بجسما حتى وبر مافي ولا بأي محل من جسمها وحتى أيام المراهقة ماطلعلا حبة ولا زيوان بشرتها متل الحليب وخدودا متل التفاح .
👩🏻⚕: خير خالة أنا مالي شايفة مشكلة لهلأ بالشكوى؟
👩🏻: والله يا دكتورة البنت صارت بال١٨ وما أبلغت !!
👩🏻⚕: 😳أوف وليش صابرة لهلأ بدون ماتجيبيا على طبيب.
مفروض من عمر ال١٤ تبلشي تعالجيا طبعاً هون ممكن نشك بانسداد بغـشاء البـكارة وهون الحالة سليمة بتحتاج خزع جراحي بسيط وبينزل دم الحيض 👍🏻
👩🏻 : وشو بين معك دكتورة ؟
👩🏻⚕ : بالفحص تبين انو طبيعي … رح اعملا ايكو نشوف وضع الرحم والمبايض .. للأسف مافي رحم عند بنتك 😓 والمبايض كتير صغار عندها …فنحنا هون أمام احتمالين يا بنتك بنت وعندا متلازمة روكيتانسكي وبهي الحالة بدا زرع رحم 👌🏻
👩🏻: وشو الاحتمال التاني دكتورة😣😣
👩🏻⚕: أو بدنا نعمل دراسة للصيغة الصبغية لبنتك واحتمال تطلع صبي 😪
👩🏻: شو هالتخبيص والحكي الفاضي هي بنتي صدرا أكبر من صدري والبنت واضح انو بنت لك هلأ قلتي انو المبايض صغار 🙄
👩🏻⚕: احتمال كبير الشي يلي شفنا خصيتين بقيو بالحوض لانو فشلو بالنزول للمنطقة العجانية بالحياة الرحمية لانو الايكو مارح يميز بين مبيض ضامر وخصية للأسف.. خلينا نعمل الصيغة وبعدا منحكي》 …….
✨و فعلاً بعد ماعملنا الصيغة طلعت xy 46 وكلنا منعرف هي صيغة الذكر الطبيعي وصيغة الأنثى الطبيعية 46 xx✨
ولما رجعت الأم شرحتلا الدكتورة انو أنتِ كنتي حامل بمولود ذكر لكن مصاب🔷 بمتلازمة التأنيث الخصيوي🔷
والخصية عندو طبيعية وعم تفرز هرمون التستستيرون بس الخلل بمستقبلات الخلايا يلي ماعم تتأثر بالهرمون الذكري الاندروجين وماعاد في أي تطور للأعضاء الذكرية الخارجية لهيك مفروض تعرفي انو كل الإناث عندن هرمون ذكري هو مسؤول عن الأشعار متل تحت الإبط ومنطقة العانة ومسؤول عن حب الشباب لكن كميته ضئيلة ومابيتقارن مع الهرمون الأنثوي المسيطر؛ بس بحالة هالصبية ماعندا اي هرمون ذكري وكله عم يتحول لهرمون أنثوي بالمحيط وكل المظاهر أنثوية بحتة 😇
👩🏻: طيب دكتورة والحل؟؟؟
👩🏻⚕الحل
☸نتعامل معها بالمجتمع على انو هي أنثى.
☸ ومفروض نضل نعطيا هرمونات أنثوية خارجياً على شكل حبوب..
☸ وإجراء عمل جراحي لإزالة الخصيتين لانهن قابلين للتسرطن😕
☸طبعاً حسب الإمكانية الاجتماعية والمادية إجراء عملية تصنيع مهبل لكن لا نجري زرع رحم لأنو البنت لا يمكن أن تنجب فهي تعتبر أنثى عقيم لعدم وجود مبايض 👍🏻
🌷لهيك بالبداية كلكن حبيتو اسم المرض بس بعد هالمعلومات حبيتو أكتر عيوب البشرة تبعكن وكل النقص وعدم الكمال بالملامح الانثوية البحتة 🌷الله يرحم ستي وستكن معهن حق يعملوا احتفالات سبع ليالي بلياليها على بلوغ البنات♥
◼د.سارة الحاج دياب .
◼المصدر : mayoclinic
✅انضموا للميددوز 🔴⬅️ أطباء الميددوز – MedDose DRs
ميددوز تأنيث خصيوي super female
(ميددوز)