نخر على السطوح الملاصقة للأسنان الأمامية، ويصل لحدود الحافة القاطعة

يلا عالسريري عالسريري.. مكملة معكم وهلا صار دور الصنف الرابع ..

⛔ شو هوي الصنف الرابع ؟!؟

● هو أي نخر على السطوح الملاصقة للأسنان الأمامية، ويصل لحدود الحافة القاطعة.

● أكثر الأسنان المعرضة للإصابة فيه هي الثنايا العلوية والسفلية .

⛔ التحضير :

● نحضر بسنبلة ماسية كروية او كاربايد قياس 0.5 أو 2 .

● التداخل بيكون من الناحية اللسانية أو الحنكية حصرا إلا إذا وجد نخر على الدهليزي او استطباب للتداخل الدهليزي .

● العمق الأولي لحفرتنا عمق أصغري 0.75 ملم ضمن العاج .

● رح نشطب جدران الحفرة بزاوية 45 لمسافة 2 ملم .

● منجرف النخر بمجرفة يدوية صغيرة او سنبلة كروية بسرعة بطيئة .

⛔ بعد ماحضرنا صار وقت نختار لون الكومبوزيت ويلي هو من أهم الخطوات ولازم نختار صح 👌 .

● نختار حسب الأسنان المجاورة، ومننتبه انو نختار اللون بضوء النهار غير المباشر ونبتعد عن ضوء الكرسي ونحاول نبعد الالوان الفاقعة من نظرنا متل [ أحمر الشفاه_النظارات ]، ونحط شانة رمادية للمريض لنختار اللون صح 😌 .

⛔ تنظيف الحفرة بشكل جيد، ونجففها، ونعزل بالحاجز المطاطي، ومنستخدم مشبك الفراشة للأسنان الأمامية
بعدها منطبق وتد خشبي مع شريط سيلوئيدي.

⛔ التخريش :

● بحمض الفوسفور 37 % للميناء 30 ثانية وللعاج 15 ثانية.

● منغسل بعدها ولنتأكد من نجاح التخريش بيصير عنا مظهر طبشوري🔥.

⛔ بعدها منطبق البوند، ونصلب لمدة 20 ثانية .

⛔ الحشي :

● منطبق الكومبوزيت على طبقات، كل طبقة 2 ملم، أول طبقة على منطقة التماس بأداة معدنية .

● وبعدها باقي الطبقات لتمتلئ كل الحفرة، ورح نحط طبقة رقيقة زيادة لإجراءات الإنهاء والتلميع .

⛔ الإنـهاء :

● بسنابل الإنهاء لهب الشمعة، وأقراص السحل لمناطق التلاصق ليتم إعادة مناطق التماس كما كانت قبل التحضير .

⛔ التلميع :

● بأقماع المطاط بـ 3 قياسات [ الأبيض-الأصفر -الزهر ] .

● شرائط السحل لمناطق التلاصق .

● أقراص السحل كمان لمناطق التلاصق .

● آخر شي رح نحط طبقة بوند ليعطينا مظهر طبيعي وبراق للسن.

ما تنسى تاخدلك صورة للعمل، وأتأكد أنو رح يبقى محفور ببالك طول فترة عملك 😍🔥.

إعـداد : د. نيـفين طرابـزونلـي .

مــــيددوز ~ مـــــصدرك للـــــمعلومات الـــــطبية الــــــموثوقة 🛡 .

مواضيع صحة الاسنان والفم