1️⃣ إذا بدك تحجز مكان لرفيقك أو رفيقتك الصبح جنبك فخليه يفيق وأنزل معو عالجامعة مو ناقصني فوت أنا لاقي واحد قاعد وجنبو شي كاسة فاضية شي شنتة شي دفتر شي جرة غاز حاجز لرفقاتو مكان 🙂
بدنا نقعد بدنا نقعد خلي رفيقك يفيق ويتمرمط معك بالمواصلات ويحجز معك
2️⃣ مو إذا ما لقيت مكان بالقاعة تروح تتعربطلي بشي كرسي وتجبلي ياها وتحطها بنص الممر أو قدام الباب مشان ما تتعب رجليك خلص امرك لالله أحضر عالواقف وإذا صار وجبت شي كرسي حطها قدام المدرجات🙂💔
3️⃣ بالمواصلات بدك تنسي أنوثتك وتخليها بالبيت وطالعي جعفر وشلتو كلها اللي جواتك وطحشي ودفشي صيحي لتنتصري وتطلعي بالباص وما حدا بلومك والله غير هيك بدك تنامي بالجامعة 💔😴
4️⃣اللي بيسألك شو جمعتي زميلة وإذا معك البرنامج وشو عننا بعد هالمحاضرة هي بكون تجهيزات لشوية مقدمات بتخلص ب (زميلة شو رقمك مشان نتواصل؟)
5️⃣المساحات الخضراء بالجامعة مشان تعطي الجامعة منظر حلو مو مشان تفرشلي الشدة أنت ورفقات أو تفرشولي الفطور عالأرض أو تنيمي فارس أحلامك على رجلك وتنقيلو القملات
وما شابه
6️⃣خلي عندك صوبيا من الرسوب مثلا ضلك خاف من الرسوب وأحضر وداوم مو يقلك رفيقك بلا هالمحاضرة ما رح تقدم ولا تأخر فتقلو أنت أي لرجلي …
لأنو وقت تقدم الامتحان وتطلع العلامات رجلك ما رح تقدر تنجحك بالمادة
7️⃣ هي تبع سوووسسوو وااو لولوو يي جوجو وتهجموا عبعض تضلوا تبوسوا بعض ساعتين خففولنا منها وضحكة مصفاة حمص بلاها بالجامعة 🙂💔
8️⃣المدرج ألو بابين، وتأكد من القاعة قبل ما تفوت تحضر فيها مشان ما تطحش وتحضر مع شي سنة أعلى منك، لأنو بتصير كتير 💔
منكمل بعدين🚶♂️
ضياء ناصيف
Deaa Naseef