قبل البدء ؛ نتمنى من الشخص يلي رح يعلق بعبارة
” أنا مستحيل آخد اللُقـاح ” يرفقها بالدليل العلمي و المنطقي يلي دفعه لإتخاذ قراره ..
لأن الكلام المطروح ضمن المقال مبني على مُتابعة معمقة لمئات الدراسات و المقالات الطبية العالمية و الحالات السريرية و علم الوبائيات .. لذا فهو لا يُعتبر رأي شخصي و إنما رأي منظومـة طبيـة شاملـة ..
➖ بيأسفنا جداً أن نسبة التَلقيـح بسوريا ما تجاوزت 4% بينما وصلت بعدة دول حول العالم لما يزيد عن 75% !
➖ و إننا لحد الآن عم نترجى الناس تاخد اللُقـاح بسبب وجود أشخاص مهمتها تتبنى نظريـة المؤامـرة و تقنع الآخرين بعدم أخذ اللُـقاح بناءً على رأيها الشخصي المبني على أفلام خيال علمي ..
➖حقك ترفض تاخد اللُقـاح ؛ رغم أنو النتيجة رح تحمل عواقبها لأهلك و ناسك لما تنصاب و يركدوا فيك من مشفى لمشفى و يدفعوا بيناتهم الملايين
لكنك مُجـرم و قاتل لما تقنع غيرك أنه ما ياخد اللُقـاح ..
لذا رح نناقش علميـاً و طبيـاً ” حجـج ونظريـات ” عدم أخذ اللُقـاح الشائعـة ..
❎» اللُقـاح إله تأثيرات جانبية عالمـدى البعيـد لسا ما بيعرفوها و لا لحقوا يدرسوها و عم يجربوا فينا !
✔️- هاد الكلام ممكن ينطبق على دواء جديد و ليس لُقاح جديد .. لأنو 90% من التأثيـرات الجانبيـة يلي ممكن يسببها اللقاح بتظهر خلال فترة 30 – 45 يوم !
✔️- و هي الفترة هي مشمولة خلال فترة الدراسات السريرية للُقـاح و احتمال حدوث تأثيرات جانبية بعد هي المدة هو أمر جداً نادر و ممكن نقول معدوم !
✔️- و جميع اللُـقاحات المطروحة و يلي عم تتوزع بمعظم دول العالم هي لُقاحـات اجتازت الدراسات السريرية بنجـاح و أثبتت سلامتها .
❎» اللُقـاح بده سنين ليطوروه و يصنعوه .. شو هاللُقـاح يلي عملوه بسنـة وين المنطق العلمي ؟!
✔️- صحيح ؛ اللُقاحـات ممكن تصنيعها يحتاج أشهر و سنوات لكن مو بسبب صعوبة التصنيع و إنما بسبب الحاجة لأعداد محددة و كبيرة من المشـاركين بالدراسـات السريريـة
✔️- لذا العديد من اللُقاحـات بتاخد وقت طويل ليتم التصريح بها .. بسبب إنو عدد المصابين و المشاركين بكون محـدود و بأخر من سرعة الدراسة ..
✔️- على عكس وبــ.اء كـورونـ.ـا يلي أعداد المصابين فيه كانت هائلة جداً ؛ هالأمر يلي ساعد على اتمام كامل مراحل الدراسات بشـكل سـريع !
✔️- خلوها ببالكم إنو مدة الدراسة متعلقة بأعداد المصابين .. و قصر مدة الدراسة كان بسبب الانتشـار الكبير للفيروس و ليس نقـص بالدراسـات .
❎» اللُـقاح بسبب جلطات و خثرات و يا حرام في شب أخده و تـوفى بسببه !
✔️- احتمال أنو يسبب نوع واحد من اللُقاحـات وهو
” أسترازينكـا ” خثرة دموية هو واحـد بالمليـون !
✔️- و لحد الآن مافي علاقـة سببيـة بين التخثر و اللُقـاح لكنه آثر نادر الحدوث وتم رصده .
✔️- بينما احتمال حدوث خثرات بسبب الإصابـة عال جداً و يكاد يظهر عند كل مُصـاب !
✔️- فهل ممكن نعمل مقارنة حكيمة و نحدد وين هو الخطـر الحقيقـي ؟!
❎ » في حدا بدخل الفيـروس على جسمه ؟! أنا مناعـتي قويـة و كل قصص اللُقاحـات ما بآمن فيها !
✔️- قبل ما تحكي هالكلام ؛ افتح دفـتر اللُقـاح الخاص فيك أنت و صغير أو تذكر كيف كنت توقف عالـدور بالصف لتاخد لُقاحاتـك .. بتعرف أنو معظم الأمراض يلي انحميت منها كانت بسبب الُلقـاح !
✔️- و على فكرة لُقـاح الكـ.ورونـ.ـا مو فيـروس و إنما مادة وراثيـة خاصة بالفيروس بتحفز الجهـاز المنـاعي على إنتاج أضـاد تجاه البروتيـن الشـوكي ” سبايـك ” للفيروس و بتتلاشـى خلال حوالي 48 ساعـة !
و قائمـة الحجج تطول .. و قائمـة متناقليها و ناشريها تطول .. و قائمـة النعـوات تطول و الأسرة في المشافي تُشغل بنسبة 100% في معظم المحافظـات السوريـة ..
مُعظم الدول مرقت عليها الموجـة الرابعـة كواحدة من أخف الموجـات بسبب تلقي نسبة كبيرة من المواطنين للُقـاح .. بينما نحنا عم نعايش أقسـى و أشـد موجـة وبائيـة منذ انتشار الفيروس !
منتمنى من الجميع يقرأ المقال مرة وتنين و عشرة ؛ و يسألنا عن أي استفسـار عم يراوده ..
و يشاركـه مع جميع يلي بيعرفهن ليكون سبب بإنقاذ حياتهم من الفيـروس و من مُدعي المعرفة ..
صدقـوا العِلـم .. صدقـوا العِلـم لننجوا !
مــــيددوز ~ مـــــصدرك للـــــمعلومات الـــــطبية الــــــموثوقة 🛡
(ميددوز)