– شو رأيكن تبلشوا تستغلوا العطلة وتسجلوا دورات ب 6 آلاف بس وبتفيدكم كتير ومع شهادة مصدقة 😍
في معهد الثقافة الشعبية فتح التسجيل بالدورات اللي بيعملها برسوم رمزية جداً ( 6 آلاف ليرة بس) مدة الدورة شهر ونص مع شهادة مصدقة من وزارة الثقافة 😍
في عدة أوقات بتختاروا الوقت اللي بدكم ياه، والتسجيل بيخلص 30/ 8
المعهد موجود بكل المحافظات وبأغلب المناطق مثلا بالشام موجود بالصالحية والمزة والميدان والعدوي و…
وموجود باللاذقية عبالشيخ ضاهر وموجود بجبلة وببانياس وبطرطوس وبحلب وبحمص بمديريات الثقافة 😍
المعهد بيعمل دورات كتير (لغات، أوتوكاد، فوتشوب، Icdl، أمين، تصميم، رسم موسيقى خياطة حلاقة تجميل…الخ)
وفي منظمة UNDP فتحت دورات جديدة (هي بتعمللكم دورات وبتعطيكم مصاري عكل جلسة شي ٧ل ٩ الاف) في دورات مرتبة كتييييير (إدارة مكاتب، مراسلا تجارية، تخليص جمركي، وهالشغلات الحلوة) وبضيفوكم قهوة وشاي وبسكوت واكل يعني جماعة أكابر شغل أجانب
في منظمة IECD نفس المبدأ تبع UNDP وموجودة بأغلب المحافظات
هلأ خلينا بمعهد الثثقافة الشعبية لأنو فاتح التسجيل فيه والقبول فوري وفي اوقات كتيرة وبعدين رح احكيلكم عن الباقي
جمعوا حالكم أنتوا ورفقاتكم وروحوا تسلوا قصدي سجلوا بتستفيدوا والله
بعدوا عن دورات النت (لأنو بالأصل ما رح تلتزموا، الاستفادة منها قليلة، والشهادة الالكترونية ما حدا عم يعبرها أحياناً عن تجربة)
وبعدوا عن المعاهد تبع الدورة 200 الف، لأنو عم تكون نفس دورة 6000 بس بسعر أعلى
التفاصيل والأوراق المطلوبة للتسجيل وأماكن المعهد بكل المحافظات موجودين بأكبر مجموعة جامعية 👇
منصة الجامعات السورية [ العامة ، الخاصة ، الافتراضية ، المفتوح ]