☝🏻”لك حاجتك شرب كولا بكرا بصيبك هشاشة عظام ”
من نحنا وصغار منسمع هالحكي من أهلنا ومنتخيل منظر عظم عم يتفتت…!!
طيب شو بتعرفوا عن هالمرض؟! و هل إلو علاقة بالحفرة الفموية يا ترى ؟!
🚩 رح نجاوبكم عن هالاسئلة
ضمن سلسلة الأمراض الجهازية …
🔴 هشاشة العظام : مرض بيصيب الجهاز الهيكلي (العظمي) بيتميز بنقص كتلة العظم وقوته وتغيرات في البنية وتراكيز المعادن بالنسيج العظمي ⬅️ زيادة في هشاشة العظام وقابليتها للكسر.
⚠️ يصيب أكثر من 200 مليون شخص حول العالم.
⚠️ حيث يصيب أكثر من ثلث النساء بأعمار بين 60 و 70 عاماً،
وأكثر من ثلثي النساء بأعمار فوق ال80 عاماً.
⚠️ وواحد من كل خمسة رجال على الأقل قد تعرض لهذا المرض.
⚠️ كما وتزداد فرصة الإصابة مع التقدم في العمر.
⚠️ والنساء المصابات أكثر عرضة لفقدان الأسنان بثلاث مرات من النساء غير المصابات.
🔴 أما عن علاقة هالمرض بالصحة الفموية فهو :
⚠️ يشكل عامل خطورة لأمراض النسج حول السنية، وتكون أكثر شيوعا عند النساء بعد مرحلة انقطاع الطمث، حيث ترتبط بانخفاض الفيتامين D وزيادة تركيز العامل النووي المنشط كابا B.
⚠️ المصابون لديهم ميل أكبر لفقدان الارتباط البشروي وامتصاص العظم السنخي وبالتالي فقدان الأسنان.
⚠️ فقدان كثافة المعادن في الفكين مما يؤدي إلى زيادة المسامية السنخية ونقص بحجم و سماكة العظم القشري، خاصة في حال وجود التهاب في النسج الداعمة.
⚠️ زيادة بإنتاج السيتوكينات يلي بتزيد من نشاط كاسرات العظم وبالتالي زيادة ارتشاف العظم.
⚠️ زيادة احتمال حدوث اضطراب المفصل الفكي الصدغي نتيجة لعدم الانسجام الوظيفي لجهاز المضغ .
⚠️ وممكن يكون هالمرض عامل خطورة في فشل زراعة الأسنان (الدراسات بشأن هالموضوع لا تزال محدودة).
🔴 طيب هالمرض شو ممكن يكون علاجه ؟
بتتوفر العديد من الأدوية بتزيد كثافة النسيج العظمي ومنها :
⚠️ الهرمونات البديلة.
⚠️ الكالسيتونين.
⚠️ هرمون الغدة الدرقية البشري.
⚠️ البيسفوسفونات.
(عن طريق تثبيط ارتشاف العظم بواسطة كاسرات العظم).
ولازم ننوه إنه العلاج بواسطته ” سيف ذو حدّين ” لما ينتج عنه من تنخر بعظم الفك، مشان هيك لازم نكون حذرين عند إجراء عمل جراحي بالفكين.
⚠️ هرمون الإستروجين.
(يستخدم كهرمون بديل للنساء بعد سن الإياس، يلي أثبت فاعيلته في تحسين مشعر التهاب اللثة و فقدان الارتباط البشروي عند النساء المصابات).
🔰 متل ما شفنا هالمرض صعب وتأثيره وصل لابتسامتنا حتى، لهيك كونوا واعيين لصحتكم وغذائكم والله يبعد عنكم الأمراض ♥️
● إعداد : د. سيف فرّوح.
● تحرير : د. نوّار أبو حسن.
● التدقيق العلمي : د. كاتيا الخطيب
● المصدر العلمي :
https://bit.ly/3f9SOOp
https://bit.ly/2RHVo6m
https://bit.ly/3feuafF
🚩 اعـتمادُ ” مِنصَّـةِ صِحـَّةِ الـفَم السوريَّـة – MedDose ”
المتخصِّصةُ بنشر الموثوقِ من طبّ الأسنـان و اختصاصاتهِ ومُحاربةِ المُعتقداتِ الطبيـَّة الخاطئـة.
مواضيع صحة الاسنان والفم