وجع السن بيشتد بس ننام بالليل

ناصيف زيتون “بقول” 😌:
أوقات القلب اللي بيوقف بدو صدمة تتمشيه🎶
أوقات القلب اللي بيضعف بدو خيانة تتقويه🎶

و الميددوز “بتقول” 😌:
أوقات السن اللي بيتلف«بينّخر، بس مشان القافية😂 » .. بدو معالجة تَ يخليك تنام بالليل .

⚠️بس يا ترى ليش وجع السن بيشتد بس ننام بالليل؟

بكل بساطة .. لأن بس تحط راسك ع المخدة بزيد تدفق الدم لرأسك و زيادة تدفق الدم إلى الرأس تعني المزيد من التورم و الالتهاب وبالتالي زيادة الألم السنّي.

لهيك كابر ع الوجع وخلي راسك مرفوع 😎
و إذا لزم الأمر حط راسك على كومة من المخدات، (نوعاً ما رافع الرأس هالشي بقلل من التورم و الألم) .

وخدلك حبة مسكن “إيبوبروفين” .. وتاني يوم الصبح بوجهك عَ دكتور الأسنان.

من الميددوز كلّ الحب و رمضان كريم… ❤️

● إعـداد و تحرير :د.آيــة معـن محـمود.
● المصدر العلمي:
:https://www.dentalbrothers.com/four-reasons-dental-pain-is-worse-at-night/

🚩 اعـتمادُ ” مِنصَّـةِ صِحـَّةِ الـفَم السوريَّـة – MedDose ”
المتخصِّصةُ بنشر الموثوقِ من طبّ الأسنـان و اختصاصاتهِ ومُحاربةِ المُعتقداتِ الطبيـَّة الخاطئـة.

مواضيع صحة الاسنان والفم