بالنسبة للشباب الي عم يسألو عن امكانية تحويل البور سبلاي تبع الكمبيوتر لشاحن بطاريات
طبعا معروف انو الفولط الخارج من البور سبلاي ارقام ثابتة اهمها ٥ فولط و١٢ فولط والمهم بالمنشور هو جهد ال١٢ فولط…
جهد ١٢ فولط غير قادر على شحن البطارية لاسباب معروفة ….
للتعديل على البورسبلاي رح نحكي عن تعديل بسيط وسهل ومن الممكن انه يخليلنا الجهد الخارج يتجاوز ال١٣.٨ فولط وهو جهد كافي لشحن البطاريات
طبعا الامبير رح يكون جيد بمايكفي لان اضعف بورسبلاي ممكن تنوجد بكون تيارها على جهد ١٢ فولط لايقل عن ١٦ امبير
طريقة التعديل
موجود في دارة الخرج المنظم TL431 هو المسؤول المباشرمع الايسي بالتحكم بالجهود الخارجة من البور سبلاي
موجود على الدخل دارة مقسم جهد بسيطة مكونة من مقاومتين بقيمة ثابتة …
التعديل رح يكون بوحدة من هالمقاومات الي رح تكون موصولة بالخط الموجب رح نلغيها ونركب بدالها مقاومة متغيرة
وبالصور رح يكون التوصيل واضح ان شاء الله
نسألكم الدعاء والترحم على موتانا وموتى المسلمين
