السلام عليكم ورحمه الله وبركاته
لدي شاحن نوع شور عشره امبير ١٢ فولت
واصله على بطاريتين ١٢ فولت ٧ امبير للواحده يعني مجموعه ١٤
عم يشتغلو متل الدهب
مبارح خفت الاضاءه فجاه اليوم وانا قاعد شميت ريحه من البطاريه رحت اتاكد ولا احد البطاريات متل النار ملمسها وطالع ريحة اسيد منها
السؤال ولكم جزيل الشكر هل المشكله من الشاحن ام البطاريه
مع العلم كان بشحن نظامي ويفصل بس يتعبو شحن
١٠ امبير كتير على ١٤ امبير
بداية البطارية الله يرحمها العوض بسلامتك
تانيا ما لازم تكون قيمة تيار الشحن اكتر من ٢٠ بالمية من سعة البطارية ممكن تتجاوزها لحد ال٢٥ او ٣٠ بالمية (و هالزيادة بتسبب ضرر للبطارية بس بنسبة مقبولة بس ما توصل للنسبة تبعك يلي هي ٧٠ بالمية) لان الكهربا عنا بالبلد اصلا ما بتلحق تشحن بالشروط النظامية و بتسبب ضرر البطارية لان قلة الشحن و التفريغ الدائم بساوي بالضرر تيار الشحن العالي مثلا هبوط جهد البطارية لتحت ال١٠ و نص فولت لعدد من المرات بخلي البطارية تودع كمان