السلام عليكم وكل عام وانتم بألف خير وربي يجعلكم من العايدين بخير وصحة وسلامة.
بعد اذنكم استفسار لذوي الخبرة وشكرا سلفا .
عندي محل بعيد عن البيت حوالي ٣٥ متر
والمحل مركب مجموعة شمسية انفيرتر ٤kv والمحل مانو موصول بكهربة الدولة
احتجت الكهربا بالليل لحتى اشحن البطاريات فا اخذت كهربا من البيت البعيد عن المحل ٣٥ متر وعند التوصيل بالاتفيرتر صار المنظم بالبيت يفوت بالحيط وع تكتكه وصوت عم يطلع علما بالمحل ماني مشغل اي حمل فقط لمبة
فا شو التفسير بعد اذنكم لان سألت وكل شخص عم يجاوبني شكل.
شو كل جواب شكل .. واضحة اخي في عندك خربطة بوصل النتر والمنظم عم ياخد حامي من النتر ويحاول يقلع .. خلي فني يركبلك ياه للخط شغلتو ٥ دقايق لانو لو جاي الكهربا عالبيت ممكن كتير انو تخسر اما الانفيرتار او القطع الكهربائية بالبيت
انتبه ع الفاز والنتر
وخفف عيار شاحن البطارية
في بعض المنظمات عم تعمل مشاكل بس تاكد تشغل بدون منظم
حسب نوع الإنفيرتر لأنو المنظمات مانها نوع حلقي لهيك بتتأثر من الإنفيرتر،، الحل تركب منظم حلقي أو توصل قبل المنظم إذا الكهربا ماشي حالها