وما النمّشُ إلّا رِمالُ جنةٍ؛ تطايَرتْ فسقَطَ بعضُها على الأ

وما النمّشُ إلّا رِمالُ جنةٍ؛ تطايَرتْ فسقَطَ بعضُها على الأرض؛ فلمْ يجدْ مُستقراً؛ فلجأ لوجوه الجَميلاتْ❤️

هاد موضوعنا اليوم..جاهزين❗يلا نبلش 🤍🏃🏻‍♂️
🔶 بالبداية رح نحكي عن النمش :
النمش عبارة عن علامات صغيرة غير ضارة تظهر على الجلد لونها بني او احمر او بني مائل ل الاحمرار..

🔶شو سبب ظهور النمش ❗
العامل الوراثي والتعرض ل أشعة الشمس هيي الأسباب الرئيسية ل ظهور النمش ..

🔶اول شي لازم نعرف انو مافي شخص خلق وفي على وجهو نمش
رح تقلولي كيف كتير عالم اخدة النمش وراثة عن اهلها…
رح قلك صح العامل الوراثي بيلعب دور اساسي، بس رح قلك كيف ..

🔹في عنا أشخاص بكونو اكتر عرضة ل الإصابة بالنمش من الأشخاص التانية وهاد الشي بيتوقف على الجينات ونوع البشرة..اذا كان الشخص من الناحية الوراثية معرض ل ظهور النمش فالتعرض ل أشعة الشمس ممكن تخلي النمش يظهر☀️

🔶طيب شو آلية تشكل النمش وشو دخل تعرض الشمس ب ظهورو❗

بالبداية النمش بيظهر لما بيتراكم الميلانين (الصبغة التي تعطي الجلد لونه) تحت الجلد..
تعرض الجلد ل كمية إضافية من السبت بتخلي خلايا البشرة تنتج كمية إضافية من الميلانين لحماية الجلد من أشعة الشمس وهاد الشي بسبب تراكم الميلانين اكتر تحت الجلد وظهور النمش ❤️

🔷طبعا هاد الشي مو بيعني انو انا اذا بدي يطلع نمش روح اقعد تحت الشمس كل يوم خمس ساعات 🙃

اكيد لا لانو العامل الوراثي الو دور مهم جدا بظهور النمش ..
الجسم بيفرز نوعين من الميلانين

فيوميلانين (المسؤول عن ظهور النمش )
إيوميلانين(يقلل احتمالية ظهور النمش )
الاشخاص يلي بيملكو شهر داكن وعيون لونها غامق جسمن بيفرز إيوميلانين وهاد الشي بقلل ظهور النمش …
أما الاشخاص يلي بيملكو شعر احمر او اشقر أو بني فاتح وعيون لونها فاتح جسمن بيفرز الفيوميلانين وهاد الشي بزيد فرصة ظهور النمش❤️

🔶النمش شكلو مشابه جدا ل الشامة وبقعة الشمس ❗
بقعة الشمس أو الشامة ممكن تكون ضارة ..كيف رح نعرف نميز❗
اذا مكان البقعة كان في حكة أو نزف أو شكلها عم يتغير وعم تختلف عن البقع التانية لازم نراجع طبيب فورا فورا 🩺
وهاد كان كلشي🤍🤍
كنت معكن انا محمد حمامة🤍

(سماعة حكيم)