وهلق صار عمر لعوبتك شهرين كبرت وسمنت وصرت بقدر اضحكلك كل

👶🏻 وهلق صار عمر لعوبتك شهرين 😍 كبرت وسمنت وصرت بقدر اضحكلك كل ما بتكاغيلي أو تبوسيني ♥️

👶🏻 هلق صرت حس بأيديي وأصابعي يا ماما .. صرت بعرف أمسك الأشيا بس ما بعرف فلتها 🤭 وصارت حركاتي متناسقة أكتر يعني هلق وقت بمد رجليي الصغيورات بمدهن بمهارة كابتن ماجد مو بطحشة فياض 🤣

👶🏻 عيوني تطورت ما عاد رح تحسيني حولة 😂 رح تكون حركتن وحدة ومع بعض ورح تشوفيهن عم يلاحقوكي ويلاحقوا معمل حلوباتي من مكان لمكان فمهارة التتبع والملاحقة تفعلت هلق 🕺

👶🏻 ماما أنا بهالعمر صرت بقدر فيق أكتر وحس فيكِ أكتر .. ميز وجهك هالحلو واشتقلك وحس بحركاتك حنيتك حبك لهيك صار لازم تقعدي تلعبيني تحاكيني تغنيلي وتغنجيني ورح تشوفي تفاعلي معك بالضحكة الجامدة الجميلة ❤️

👶🏻 أوعك تتركيني وقت تغيير الحفوضة والتياب لحالي 🤫 صرت بقدر هلق علي راسي لفوق وأتدركل يا ماما 😂🌚 ورغم أني بقدر بهالعمر نام طوال الليل وريحك بس دستور الأطفال نام وقت تفيق الماما ، فيق وقت تنام الماما .. منشان الأكشن يا ماما 😈

👶🏻 أحب الأشيا لقلبي ألعاب متل طابات بلاستيك طرية ، شغلات ملونة ألوان معقدة وأهم شي صوتك وكلامك معي كتير بحسسني بالأمان والحب بهالعمر 😍

👶🏻 آخر شي رح خبرك ياه أنتِ هلق معك كائن جوعان 24 ساعة بالساعة 🥲 قوي وعجعوج .. فرحان وفايق وأهم شي أهم شي راحت مسكة ال يا عمري فخبري الغلظا ضروري 🙂

وضروري دوماً قلك بحبك ❤️ لأنك وحدك أنتِ هالروح الطاهرة من الله يلي عم تسندني لأكبر وعيش وكأنك هالنفخة الطيبة منو يلي بتمنحني الحياة .. أنتِ الحياة 🙏🏻

كنت معكم سَماح صالح محمد ♥️

(سماعة حكيم)