اليوم اشتريت مولدة Single Phase نفس هي اللي بالصورة 1.1kva
المهم أنا أول مرة بتعامل مع مولدة، عندي كم سؤال من فضلكم:
الجهد عند بداية التشغيل وقبل توصيل الحمل بياخذ حوالي الدقيقة حتى يوصل ال ٢٠٠ فولت..
أثناء التحميل، لما بشيل حمل أو بوصل حمل كبير نسبياً حوالي ٢٠٠ وات بلاحظ الجهد بينخفض أو بيطلع ضمن مجال ١٦٠ إلى ٢٤٠ فولت وبياخذ وقت لحتى يرجع يثبت بين ال ٢٠٠ وال ٢٢٠
الخلاصة هل هذا الشي طبيعي؟
كرت الAVR سليم؟
فكرت بتركيب منظم جهد على الخرج بس بصراحة رجعت صفنت بالموضوع ولاقيت أنه خطأ لأنه رح يتغير سحب الاستطاعة مع الوقت والكرت بالمولدة ما رح يعرف كيف يحدد الدوران المناسب إذا استعملت منظم خارجي..
انصحوني من فضلكم شو ساوي بالضبط؟
ملاحظة الأحمال هي إنارة شواحن موبايلات وشاحن بطارية ٢٠ امبير وراوتر وممكن بوصل شاحن لابتوب ٢٠٠ وات وبشيل شاحن البطارية يعني ما بوصلهن بشكل متزامن..
آسف على الإطالة لكن حابب آخذ نظرة عامة عن الموضوع..
اتأكد من الكربيتر ماخذ بنزين وهواء نظامي
اعطيها بنزين بايدك شد الساعد وقيس الافو