لو سمحتو استشارة
عندي انفرتر EAST 600واط
شاحنه بيجي 30 امبير
مركب على بطارية انبوبية 200 امبير
صرلن عندي قريب السنة ونصف بشغل عليهم مروحتين او 3
احيانا مروحة وشاشة
او مضخة مي 100 واط هذا أكبر حمل
الأمور تمام عندي ولكن من جديد
صاير عم يخرج فولط 240-250 وقت تكون الكهربا شاعلة يعني الدخل 219 ولكن هو بيرفع الخرج
مع العلم أول ما اشتريته كان بس تجي الكهربا يكون الخرج نفس الدخل تمام
يعني الكهربا 217 هو بيخرج 217
بس اطفيه يعني يصير على وضع BYPASS بيرجع الخرج طبيعي 217-220
وبس تطفي الكهربا بيرجع الخرج 230 متل مو أنا مبرمجو
يعني المشكلة فقط وقت تشعل الكهربا عم يزيد الفولط
ملاحظة 1: عندي منظم كهربا للبيت 15 ألف واط مع قاطع حماية الفولط والأمبير يعني الدخل منتظم عندي بشكل ممتاز
ملاحظة 2: سابقا وقت تجي الكهربا بينسمع صوت تكة ريليه مباشرة..وبيبدا الشحن..وبيصير فولط الخرج متل فولط الدخل ..بينما هلق عم يبدأ الشحن وبيرفع فولط الخرج وبعد فترة غير محددة بسمع صوت تكة الريليه وبيرجع فولط الدخل متل الخرج متل مو واضح بالصورة التانية
ملاحظة 3: أول مرة إنتبهت للموضوع فصلت الانفرتر عن الكهربا و البطارية وتركته شوية وقت ورجعت وصلته لقيت انحلت المشكلة ولكن هلق بالصدفة إنتبهت للموضوع مرة تانية وخايف يضربلي شي جهاز او يصير عليه شي بغيابي
ملاحظة 4: جربت شيل الحمل ونفس النتيجة وجربت زيد الحمل ونفس النتيجة
ملاحظة 5: نزلت الخرج لل 220 وجربت وضلت نفس النتيجة
ممكن حدا يفهمني شو المشكلة ؟وهل في داعي لإصلاح
بعتذر عن الاطالة وشكرا جزيلا الكم
.
اخي انفيرتر ايست في منظم داخلي بقلبوا بيرفع ٣٠ فولت تقريبا وبما انك حاطت خرجوا عل ٢٣٠ ولما تجي الكهربا ٢١٧ بفكرها نايصة ف بيشتغل المنظم تبعوا…. الحل فوت عل ضبط تبعوا وحط الخرج ٢٢٠ وبس الموضوع طبيعي ومافي اي مشكلة بالجهاز
نزل فولت الخرج لل 220 بتنحل مشكلتك مافي لزوم الخرج يكون 230 عم يشغل مرحلة تنظيم بترفع 30 فولت
المشكلة من منظم الجهد 15 الف شمعة
عم يرفع زيادة
والدليل المشكلة تظهر عند الكهربا النظامية فقط
روافع الجهد هاي بتصير فيها مشاكل مع الزمن…وعالاغلب مشكلة بسيطة يمكن مقاومة متغيرة