يعطيكم العافية.. بعرف اني خبصت بس كمان استغلال فنيين الصيانة خلاني اعمل هيك وقلت

يعطيكم العافية..
بعرف اني خبصت بس كمان استغلال فنيين الصيانة خلاني اعمل هيك وقلت ارمي الشاشة ولا عاد صلحها عند حدا.

عندي شاشة 43″ سامسونج جديدة واستخدامها قليل.. فجأة بتطفي وليد البور ماعاد بيشتغل..
اول شي بحثت على المشكلة طلعلي انو ديود او اتنين (الصور مرفقة) ببورد البور هنن السبب وشفت فديو اصلاح لنفس العطل.. بس قلت اعطي خبزك للخباز..
بعد مطمطة بموعد الصيانة وزيادة الكلفة (وصلت لل70000 من 6 شهور) بحجة انو العطل مركب.. قلت مو مشكلة وبعد اقل من شهر (بلاحظ خلالو حرارة عالية من جهة بورد التغذية) بترجع بتعطل نفس العطل.

هون بقرر انا صلحها متل ما شفت خلال البحث.. بفك الشاشة وبشوف الافندي ضايف الدارة المحددة بالاحمر ولاغي الجك المحدد بالازرق وساحب لهالدارة تغذية من الديود اللي هوي بالاساس عم تطلع حرارتو.
حكيت معو للافندي وقلي جيبها ما بكلفك كتير (متل قبل) وهاد الموديل هيك عيبو.
طبعا ما اخظتعا لعندو وبدلت الديودين..اشتغلت الشاشة بس حرارة الديودين ارتفعت جدا بسرعة رهيبة.. هون ضفت هالزينة والاحتفالات اللي شايفينها (المروحة ومبددين الحرارة كتدعيم على المبددين الموجودين.. ووصلت تغذية للمروحة من شاحن خارجي 12v 1Amp .

حاليا الامور شغالة من فترة طويلة، بس احد المختصين قلي انو اذا بدلت الديودين من 2 امبير ل 3 امبير ماعاد بترتفع حرارتهن وبستغني عن المروحة لان اذا وقفت رح يرجع يتكرر العطل ..يا هل ترى اذا عملت هيك هالشي صحيح؟ وبزيد استهلاك الشاشة؟ طبعا مكتوب عليها استهلاكها 46 وات..

اسف على الاطالة وشكرا للجميع وللمهندس م.منذر سالم