يعطيكن العافية مبارح نزلت سؤال و كنت مستغرب كيف بتخرب عينة

يعطيكن العافية
مبارح نزلت سؤال و كنت مستغرب كيف بتخرب عينة وحده من البطارية مع ان باقي العينيات شبه جديدة وكتير نضيفة
اليوم قررت اعمل البطارية حقل تجارب وحاول افهم شو السبب… جبت هيدروميتر وقست تركيز الحمض بالعينيات والعينية المضروبة كان قياسها مختلف عن البقية بدرجة كبيرة وانغمر كامل المقياس بالماء, باقي العينيات كانت متشابهة بس مختلفة التركيز
لهيك قررت فك البطارية ونضفها وشوفها من الداخل

بعد غسيل البطارية 10 مرات بالمي وفتح ثقوب اكبر لشوف الالواح بينت العينيات بشكل اوضح وتبين انو حكمي كان غلط مو بس عينة وحده مهترية… في اهتراء حزئي بالكل بس العينية المضروبة كانت فارطة عالاخر متل ماموضح بالصور

المهم عبيت البطارية مية نار جديدة وقست جهد العين الخربانة اثناء الشحن كان 2.8 والمفروض يكون 2.4 بالكتير , قست الجهد مرة تانية والبطارية عم تفرغ كان جهد العين الخربانة 0.5 فولت والمفروض تكون 2 فولت

باقي العينيات جهودها 2 فولت وتعتبر مقبولة

لهيك قصرت العينة الخربانة بملاقط وصارت البطارية 10 فولت بدل 12 فولت
عدلت جهد الشاحن ل 12 فولت بدل 14.5 فولت وخليت الشاحن 6 امبير بدل 10 امبير

والنتيجة صارت بطارية 10 فولت بدل 12 والاداء كويس

مع اني محافظ عالبطارية بشكل مثالي اهترت وخربت.. والنتيجة انو البطاريات السائلة عمرها سنتين تلاتة ورح تهتري بفعل الحمض بغض النظر عن مراعاة الشحن والتفريغ, هيك ذكر شخص بالتعليقات وتعليقو منطقي

يلي عندو خبرة بالبطاريات ينورنا بعمر البطاريات الجل والجافة والليثيوم من ناحية العمر