يلا عالسريري …
يلا عالأطفال …
[ #طـب_أسنان_الأطفال، المـقال الثّـاني ]أوّل عمل بمادة الأطفال، هو ترميم محافظة صنف ثاني لرحى مؤقتة
🔴 بس قبل ما نبدأ، كيف بتعرف هل الحالة محافظة أو بتر ؟!؟
● حتى تكون الحالة محافظة لازم يكون النخر الملاصق عالصورة المجنحة بسيط ولا يتجاوز ثلث العاج، والارتفاع الحفافي يجب أن يكون سليم وغير متهدم .
🔴 بعد ما شخّصنا الحالة هلا منبدا بالشغل 😌 …
🔰 الشيء الأساسي يلي بسهل الشغل علينا بالأطفال هو الحاجز المطاطي، ولكـن، قبل كل هالشغل لازم نكون لطيفين مع الطفل ونحببو بطبيب الأسنان، وما نخليه يتوجع أبدا، لهيك أول خطوة طبعاً هي التخدير ✌😉، وبعدها منطبق الحاجز المطاطي والوتد لنفصل الأسنان .
🔰 وهلا صار دور التحضير :
● منبلش بتخطيط الحفرة بسنبلة كروية صغيرة وفينا كمان نشتغل بسنبلة شاقة للأطفال ( اللون الأحمر ) .
● منبدأ من السطح الطاحن متل تحضير الصنف الأول بالمداواة وطبعاً أهم جزء بالتحضير هو ذنب الحمام .
● لازم يكون عرض البرزخ حوالي ربع أو ثلث المسافة بين الحدبتين، يعني لازم ما يزيد عن 1,5ملم، لأن الزيادة ممكن تسبب إضعاف الحدبات وتعرضها للكسر وممكن تسبب كشف للقرون اللبية [ يعني منكون بشي منصير بشي تاني🤦] .
● بعد تحضير السطح الطاحن منبدأ بتحضير السطح الملاصق، حيث نضع السنبلة على الارتفاع الحفافي ونقوم بحركة نواسية بالاتجاه اللثوي، طبعاً الزوايا الخارجية يجب أن تكون قائمة لتأمن متانة لحواف الترميم والنسج السنية .
● أمّـا بالنسبة للنخر الموجود بمناطق عميقة طبعاً هون منلجأ للتجريف بالمكروتور مع التبريد بالماء ّ
🔰 بعد ما خلصنا تحضير الحفرة، منطبق المسندة ومننتقل لمرحلة التبطين، منبطن الجدار المحوري و اللبي بماءات الكالسيوم … وسـؤالنا إلكـم هون ليش ما منبطن كل الجدران؟!؟🤔 [ اكتبولنا إجاباتكم بالتعليقات😌 ] ّ
🔰بعد التبطين منوصل للمرحلة قبل الأخيرة وهي [ #الترميم ]
● طبعاً منرمم بأملغم مننقل الأملغم على دفعات ومندك الأملغم منيح وبعدها منصقل صقل أولي بمصقلة كبيرة ومننتظر تتصلب شوي، ومننحت بحيث يعطي شكل بدون مبالغة بالنحت :
👈منصقل صقل نهائي ..
👈منشيل الحاجز المطاطي والمسندة ..
👈منفحص الإطباق بورق عض ومنشوف إذا في أي تعديلات ..
واخيرا بتنادي المشرف، ولا تنسى تاخد صورة للذكرى مع الطفل 😍
انتظرونا بباقي البوستات عن باقي الأعمال
الميددوز جنبكم ومعكم دائماً .. جاهزين لأي استفسار
تبقـوا بألف خيـر ..💛..
● إعداد : د. رشـا عـلاء هـلال .
مــــيددوز ~ مـــــصدرك للـــــمعلومات الـــــطبية الــــــموثوقة 🛡 .
مواضيع صحة الاسنان والفم