⁦⁩ اي يلا ضلوا ازعجوني وفيقوني يلا وهي جكر بدي نام يعني بدي

⁦👶🏼⁩ اي يلا ضلوا ازعجوني وفيقوني يلا 🙂 وهي جكر بدي نام يعني بدي نام بس كرمالك ماما رح فيق افتحلكن تمي شوي وأتاوب و رح أرجع نام 😌

⁦👶🏼⁩ الشهر الأول من العمر .. شهر النمو والتطور وشوفة الحال والرفاهية 🤭
وهدول كلن شو مستلزماتهن ؟
حلوباتك الطيبات والتخت الدافي ⁦❤️⁩

⁦👶🏼⁩ عادي جداً تشوفيني عم أرضع كل اليوم يعني قصدي 8 ل 12 مرة .. بهالشهر من العمر أنا بضل جوعانة 🙄 هوي أنا رح ضل جوعانة كل العمر متلك ماما بس بهالشهر أكتر أكتر 😂💔
وكمان عادي جداً أنك تشوفيني عم نام بالليل بعمق ولوقت طويل شي 6 ساعات ورا بعض ومع أنو لازم كون عم أرضع كل ساعتين أو 3 ساعات بس إذا كنت عم أرضع منيح بالنهار فبكون عم عوض حاجة الليل لا تخافي عليي بعرف مصلحة كرشي تمام 😋

⁦👶🏼⁩ بتعرفي أني شبعانة بس نام مرتاحة ويكون وزني عم يزيد وحاجتي من الحفوضات عم تزيد 😅 غالباً بتبول بعد 3 ل 4 أيام من الولادة شي 4 ل6 مرات وبرازي عالحليب الطبيعي بكون لين وسائل ..

بالمقابل بتعرفي أني جوعانة بس أفتح تمي ودور .. بس مص أصبعتي وأكيد بس عبي الدني نعوصة 🤭

⁦👶🏼⁩ حتى تزيديلي الحلوبات حاولي تخليني أرضع أكتر ، كلما مصيت أكتر كلما خبرت جسمك يعطيني حليب أكتر ، وكلما حجر صدرك وتورم أكتر كلما عرف دماغك أنو مو بحاجة حليب لهيك يفترض ما تشيليني من على جهة أي صدر قبل ما تشوفيه صار لين وطري وأنا تشوفيني مرتاحة وشبعانة وغالباً يا ماما وقت الوجبة عندي على المعمل الأول 10 دقايق والتاني 10 دقايق ⁦❤️⁩

⁦👶🏼⁩ بتعرفي أنو الحلوبات اللي بيجوا آخر شي هنن أهم شي 😋 فيهن قشطة وكتير من السعرات الحرارية يعني بربوا خدود وكرش وبعبوا البطن لهيك دوماً تأكدي ترضعيني وقت منيح وتتأكدي تسمعي صوتي وأنا عم أبلع ..

⁦👶🏼⁩ آخر شي رح خبرك ياه أنو معدتي كتير صغيرة لهيك كتير مهم تدشيني بعد كل رضاعة منشان ما يصير معي غازات وضل مزعوجة كل النهار 😪

⁦👶🏼⁩ ماما أنا كتير بحبك لأنك عم تهتمي فيي هيك .. ما بتوقع في حدا بالدني قادر يمنح حب واهتمام بكل قوة وصبر بهالطريقة هي .. بلا مقابل سوى الحب ، الحب الرباني النقي الطاهر يلي ما بيشبه أي حب !

بلا ولا شي بحبك يا ماما ♥️

كنت معكم سَماح صالح محمد ♥️

(سماعة حكيم)