4 حقائق مدهشة يفاجئك بها سن العشرينات تعرّف عليها في المقال

4 حقائق مدهشة يفاجئك بها سن العشرينات تعرّف عليها في المقال التالي (التالتة بتهم البنات 😏)..😂

1- لا يوجد شخص يمكنه أن يفهمك تماماً فلا تكشف أوراقك المهترئة 😁لأحد

إذا بدك تصون علاقتك بالبني آدم لا كتير تتقرب منو
لأنو نحنا عبارة عن هالة مجرد ما تم اختراقها انطفت
مش مثاليين بالعلاقات ومنعصب ومضغوطين نفسياً ومختلفين بالأهداف والتفكير والتنشئة والشي يلي منعملو بحياتنا فمع هالاختلافات الهائلة مارح نلاقي حدا Soulmate يعني..
فباعتقادي الأمر الطبيعي أنو الإنسان ما يكون عندو رفيق حقيقي وليس العكس..

2- مش قادر تكون رفيق حقيقي ولا حتحصل على رفيق حقيقي.

لما بتعرف هالشي بتوصل لمرحلة البتر باستطباب وبدون استطباب يعني خلص ايدك عم توجعك منشيلا ليش لنعذب حالنا ونقعد نزبط فيها ونشتغل للصبح وآخر شي بتآجرنا بكف..

أنا لجنب ضغط دراستي بشتغل وضغط Level 100 خصوصا لما بتكون بشغلك مجبور تتعامل مع سايكو. وأكيد ظروفي مو متل واحد واصلتو كاسة متة عالطاولة و عم يقولو اتفضل يا غالي اشراب.

وبالتالي آخر النهار ماعندي قدرة استوعب ردة فعل فلان ولا هو مجبور يستوعبني لان كل حدا فينا فالح بحياتو ومو ناقصو ماحدا قدران يتماهى بالآخر لهك الرفقة الحقيقة بدها تقديم تضحيات وتوازن نفسي انا عن حالي ما بملكو مع أنو برجي السرطان وبحب رفقاتي🥺بس أنك تحب مابكفي لازم تحافظ عالشخص وهون الصعوبة (الاستحالة).

3- رفيقتك حتسيبك إذا بقلها شب مرحبا فلا كتير تكبري فكرة البيست براسك😂🤦‍♀️💏

باختصار الشخص اللي ((بازق الدم)) بطريقو ح يقلك بيباي يبشمهندس عشان جانا البشمهندس🤣 وهون بتتمنى لو بهالسنين اللي قضيتا معو مارست هوايتك بـ Collecting Stamps وصنع النقيفات🤓.

4- إذا وصلت لهالنتائج هلا فبروك خلصت من باقة الأشخاص الغلط يلي كانت مفعلة عخطك 🥵وخلصت فترة تفعيل العرض.

صار فينا نقول أنك نضجت. وطالما أخدت الدرس فما رح بقا يتكرر معك بس إذا لساتك مآمن أنو في شي من هالحكي مو صح😡 رح ترجع توقع بنفس التجارب هيييييك لتقتنع .

الخلاصة الحياة صارت صعبة والاستقرار بالعلاقات صار صعب ..
استهلكتنا التجارب السيئة والأشخاص السايكو
واستهلكتنا الالتزامات اليومية

ما بعرف كيف بدي قولا بس في أشخاص بخاف لما بطلع ورايي ععلاقاتي السابقة يلي كنت أحلف بحياتها بخاف أنهم يروحو و بخاف من أنو فعلا حقيقة العلاقات أنو مافيها شي حقيقي وبتتلاشى وأنو مصير الإنسان يكفي وحيد.. مو لأنهم متل غيرن أبداً لأنهم أنقياء وبجننو بس يمكن علّة بالشخص أنو مو قادر بقا يحافظ عليهم..
د. مايا معلا

(سماعة حكيم)