7 أسرار للحصول على صحة فموية أفضل !
تنبيه
هالاسرار ما بتتضمن وصفات المنزل السيئة ولا بيتضمن حتى منتجات عالية التكلفة ما حدا بيقدر يجيبها
تعو نشوف سوا :
أولا :
يمكن ما بتشوف طبيبك الاسنان بشكل كافٍ ؟
أي صحيح هي اول سر بحب خبركم ياه زيارة طبيب الاسنان لازم تكون اربع مرات بالسنة مرة كل ثلاث شهور او على الاقل مرتين بالسنة مرة كل ستة شهور
ثانياً :
اذا كنت خايف من طبيب الاسنان انو يأذيك فأنت ما عم تروح عند طبيب الاسنان الصحيح !
اليوم ومع كل التطورات والاجهزة والمواد صار فينا نخفف عن المريض ونأمنله الراحة المطلوبة من اختصار الجلسات الطويلة المتعبة حتى اجراءات التخدير الاكثر شمولاً لتخفيف الالم
أنت كل اللي عليك تسمي المشكلة اللي خايف منها وطبيبك بحلها
ثالثاً :
اذا اجلت زيارتك لطبيب الاسنان حتى يوجعك سن ف خليني خبرك انو فات الآوان :
لازم تعرف انو المشاكل السنية من النخور واللثوية من الالتهابات بدايتها ما بتكون مؤلمة وبمجرد حصول الالم معناتا البكتيريا وصلت لمكان عميق بالسن واللثة
والحل لكل هالامور هو الزيارات الدورية لطبيبك الاسنان
رابعاً :
ولا أي شي ممكن يحل محل خيط التنظيف بين السن :
مهما كانت فرشاتك الاسنان متطورة كهربائية او عادية فهيه رح تنظف فقط ٥٠٪ من الاسطح السنية وبتضل ال ٥٠٪ التانية على عاتق التنظيف بالخيط
ولحد الان لا يوجد بديل عنه
خامساً :
تنظيف اسنانك مرتين باليوم كفيل بصحة فموية جيدة جداً :
اذا واظبنا على فرشاية اسنانا مرتين باليوم مع استخدام الخيط السني بالطريقة الصحيحة هاد الشي كفيل انو يقضي على معظم الاحتمالات حصول تسوس جديد او امراض جديدة باللثة
سادساً :
قد تنقذ رؤية طبيب الأسنان حياتك:
تماما متل ما قرأتو كتير امراض اعراضها بتبين بالحفرة الفموية وطبيب الاسنان قادر يساعدك تبلش العلاج من بداية المشاكل حتى قبل ما تظهر الاعراض
سابعاً :
اللون الابيض الناصع للأسنان لا يناسب جميع الاشخاص !
مافي لون ابيض واحد يناسب الكل لو شفت انت صورة لشخص عجبك لون اسنانه معناتا هو مختار لون يناسب لون بشرته وحتى على اسنانه لهيك اختيار اللون اللي يناسبك باحتمال كبير انه ما يتناسب مع غيرك
واخيراً اصدقائي الاعتناء بصحتنا الفموية ما بياخد معنا دقائق يومية بس بيحصد نتائج حلوة وعظيمة لهيك ما تقصرو فيه
وشكراً
– إعـداد : د. عشتار نعامه
– المصـدر الـعلمي :
7 secrets to a healthier smile – webmed
“ رابط المصدر بالتعليقات ”
منظمـة مـيددوز ~ مصـدرك الموثـوق للمعلومـة الطبيـة
منصة صحة الفم السورية
مواضيع صحة الاسنان والفم